Kaantha OTT: ఓటీటీలోకి వచ్చేస్తున్నా దుల్కర్ సల్మాన్ కాంత.. ఎప్పుడు ఎక్కడంటే..

పేరుకు మలయాళ హీరో అయినప్పటికీ తెలుగులో మంచి మార్కెట్ సొంతం చేసుకున్న దుల్కర్ సల్మాన్. తెలుగులో మంచి ఫ్యాన్ బేస్ క్రియేట్ చేసుకున్నాడు దుల్కర్. మణిరత్నం దర్శకత్వంలో తెరకెక్కిన ఒకే బంగారం సినిమాతో తెలుగు ప్రేక్షకులకు పరిచయం అయ్యాడు ఈ యంగ్ హీరో. ఒకే బంగారం సినిమా తెలుగులో డబ్ అయ్యి మంచి విజయాన్ని అందుకుంది’. ఆతర్వాత డైరెక్ట్ గా తెలుగులో మహానటి సినిమాతో పరిచయం అయ్యాడు. ఈ సినిమా దుల్కర్ ను తెలుగు ప్రేక్షకులకు మరింత దగ్గర చేసింది. ఆతర్వాత ఆయన నటించిన సీతారామం సినిమా. హను రాఘవపూడి దర్శకత్వంలో తెరకెక్కిన ఈ సినిమా మంచి విజయాన్ని అందుకుంది. అలాగే లక్కీ భాస్కర్ సినిమాతో మరో విజయం అందుకున్నాడు.

ఇక రీసెంట్ గా కాంత అనే సినిమాతో ప్రేక్షకుల ముందుకు వచ్చాడు దుల్కర్. ఈ సినిమాకు మిశ్రమ స్పందన వచ్చింది. సెల్వమణి సెల్వరాజ్‌ తెరకెక్కించిన ఈ పీరియాడికల్ మూవీలో భాగ్యశ్రీ బోర్సే హీరోయిన్ గా యాక్ట్ చేసింది. అలాగే సముద్రఖని, దగ్గుబాటి రానా తదితరులు ప్రధాన పాత్రలు పోషించారు. భారీ అంచనాలతో నవంబర్ 14న థియేటర్లలో విడుదలైన ఈ సినిమా ఓ మోస్తరుగా ఆడింది.పాన్ ఇండియా ప్రాజెక్టుగా వచ్చిన ఈ మూవీ కేవలం యావరేజ్ రిజల్ట్ తో సరిపెట్టుకుంది. అయితే ఓ వర్గం ఆడియెన్స్ కు కాంత సినిమా బాగా కనెక్ట్ అయ్యింది.

ఇక ఈ సినిమాలో దుల్కర్ మరోసారి తన నటనతో ప్రేక్షకులను ఆకట్టుకున్నాడు. ఇక ఈ సినిమా ఇప్పుడు ఓటీటీలోకి వచ్చేస్తుంది. ఈ సినిమా ఓటీటీ రైట్స్ ను ఓ ప్రముఖ సంస్థ సొంతం చేసుకుంది. నెట్‌ఫ్లిక్స్‌ కాంతా సినిమాను సొంతం చేసుకుంది. డిసెంబర్‌ 12 నుంచి స్ట్రీమింగ్‌ కానుంది. తెలుగు, తమిళ్, కన్నడ, మలయాళ భాషల్లో ఈ మూవీ అందుబాటులో ఉండనుంది. ఈమేరకు నెట్‌ఫ్లిక్స్‌ ఓ ప్రకటన విడుదల చేశారు. ఇక ఈ సినిమా ఓటీటీలో ఎలాంటి విజయాన్ని అందుకుంటుందో చూడాలి.

View this post on Instagram

A post shared by Dulquer Salmaan (@dqsalmaan)

మరిన్ని సినిమా వార్తల కోసం ఇక్కడ క్లిక్ చేయండి