Naa Autograph Movie: ‘నా ఆటోగ్రాఫీ స్వీట్ మెమొరీస్’ హీరోయిన్ విమల గుర్తుందా ?.. ఇప్పుడు ఎలా మారిపోయిందో చూశారా ?..

Naa Autograph

తొలి సినిమాతో తెలుగు ప్రేక్షకుల హృదయాల్లో నిలిచిపోయిన హీరోయిన్స్ చాలా మంది ఉన్నారు. అందం.. అంతకు మించిన అమాయకత్వం.. సహజ నటనతో వెండితెరపై అలరించి మెప్పించారు. అయితే ఎంత టాలెంట్ ఉన్నా… కాస్త అదృష్టం కూడా ఉండాలి. ఫస్ట్ మూవీ తర్వాత ఒకటి రెండు చిత్రాల్లో అలరించి ఇండస్ట్రీకి దూరమైన హీరోయిన్స్ గురించి చెప్పక్కర్లేదు. ప్రస్తుతం వారు ఫ్యామిలీతో సంతోషంగా గడుపుతున్నారు. ఇక సోషల్ మీడియాలో పలువురు తారలు యాక్టివ్ గా ఉంటూ తమకు సంబంధించిన ప్రతి విషయాన్ని షేర్ చేసుకుంటుండగా.. మరికొందరు అసలు జాడే లేరు. అందులో విమల ఒకరు. అదేనండి.. మాస్ మాహరాజా రవితేజ నటించిన నా ఆటోగ్రాఫ్ స్వీట్ మెమొరీస్ సినిమాలోని వన్ ఆఫ్ ది హీరోయిన్ విమల అలియాస్ మల్లిక. 2004లో విడుదలైన నా ఆటోగ్రాఫ్ సినిమాతో ప్రేక్షకుల ముందుకు వచ్చింది. రవితేజ స్కూల్ డేస్ జీవితంలో విమల పాత్రలో నటించింది. ఆ తర్వాత మరో సినిమాలో కనిపించలేదు.

కేరళకు చెందిన మల్లిక.. 2002లో మలయాళ చిత్రం షయోత కూతుతో సినీరంగ ప్రవేశం చేశారు. ఆ సినిమాలో ఆమె నటనకు ఫిదా అయిన డైరెక్టర్ నా ఆటోగ్రాఫ్ స్వీట్ మెమొరీస్ చిత్రంలో ఛాన్స్ ఇచ్చారు. ఈ సినిమా తర్వాత విజయ్ నటించిన తిరుపాచి చిత్రంలో దళపతి చెల్లిగా కనిపించింది. ఈ మూవీతో తమిళ్ ఇండస్ట్రీలో పాపులారిటీ సంపాదించుకుంది. కానీ తెలుగులో ఆ తర్వాత నటించలేదు.

తమిళంలో గుండక్క మందక్క, తిరుపతి, తుంకుం నకుముమ్, తోట, చెన్నైయిల్ ఒరునార్ వంటి చిత్రాల్లో నటించారు. తమిళంలోనే కాకుండా మలయాళంలోనూ పలు చిత్రాల్లో నటించి మెప్పించారు. ఇవే కాకుండా తమిళంలో పలు సీరియల్లో బుల్లితెరపై సందడి చేసిన ఆమె.. పెళ్లితర్వాత సినిమాలకు దూరమయ్యారు. ప్రస్తుతం ఆమె సోషల్ మీడియాలో యాక్టివ్ గా ఉంటున్నారు.

మరిన్ని సినిమా వార్తల కోసం ఇక్కడ క్లిక్ చేయండి.