Ayesha Takia: సర్జరీతో అందం పోయింది.. ట్రోలింగ్ దెబ్బకు సోషల్ మీడియా క్లోజ్.. సూపర్ మూవీ హీరోయిన్ ఇప్పుడేం చేస్తుందంటే..

బాలీవుడ్ ఇండస్ట్రీలో వన్ ఆఫ్ ది టాప్ హీరోయిన్. ఎన్నో సూపర్ హిట్ చిత్రాల్లో నటించి గుర్తింపు తెచ్చుకుంది. అందం, అభినయంతో అప్పట్లో కుర్రకారు ఫేవరెట్ బ్యూటీగా మారిపోయింది. కట్ చేస్తే.. కెరీర్ మంచి ఫాంలో ఉండగానే పెళ్లి చేసుకుని సినిమాలకు దూరమయ్యింది. ఇంతకీ సూపర్ మూవీ హీరోయిన్ ఇప్పుడేం చేస్తుందో తెలుసా.. ?

Super Movie

Rajitha Chanti |
Updated on: Apr 10, 2025 | 9:50 AM

అక్కినేని నాగార్జున నటించిన సూపర్ సినిమాతో తెలుగులో మంచి క్రేజ్ సంపాదించుకుంది. గ్లామర్ బ్యూటీగా ఇండస్ట్రీని ఏలేసింది. చిన్న వయసులోనే సినీరంగంలోకి అడుగుపెట్టి తక్కువ సమయంలో స్టార్ స్టేటస్ సొంతం చేసుకుంది. తెలుగు, హిందీలో పలు చిత్రాల్లో నటించి మెప్పించింది. ఇంతకీ మనం ఎవరి గురించి మాట్లాడుకుంటున్నామో అర్థమైయ్యిందా.. ? తనే హీరోయిన్ అయేషా టాకియా. ఈరోజు (ఏప్రిల్10)న ఆమె పుట్టినరోజు. ఈ సందర్భంగా ఆమెకు సోషల్ మీడియా వేదికగా బర్త్ డే విషెస్ చెబుతున్నారు ఫ్యాన్స్. కానీ ఇప్పటికే ట్రోలింగ్ భరించలేక అయేషా తన సోషల్ మీడియా ఖాతాలన్నీ క్లోజ్ చేసిన సంగతి తెలిసిందే. ఇప్పుడు ఆమె ఏం చేస్తుందో తెలుసా.. ? ‘టార్జాన్: ది వండర్ కార్’, ‘వాంటెడ్’ వంటి చిత్రాల్లో నటించి కీర్తిని సంపాదించుకున్న ఆయేషా కొంతకాలంగా చిత్ర పరిశ్రమకు దూరంగా ఉంటుంది.

ఆయేషా 2004లో ‘టార్జాన్: ది వండర్ కార్’ చిత్రంతో బాలీవుడ్‌లోకి అడుగుపెట్టింది. తన అమాయకమైన ముఖం, సహజమైన నటనతో అభిమానులను సంపాదించుకుంది. సోచా నా థా’, ‘దిల్ మాంగే మోర్’, ‘షాదీ సే పహెల్’, ‘నో స్మోకింగ్’, ‘పాఠశాల’, ‘వాంటెడ్’ చిత్రాలతో చాలా ఫేమస్ అయ్యింది. 23 సంవత్సరాల వయసులో ఫర్హాన్ అజ్మీని వివాహం చేసుకుంది. ఫర్హాన్ సమాజ్ వాదీ పార్టీ నాయకుడు అబూ అజ్మీ కుమారుడు.. అతడు హోటల్ వ్యాపారంలో రాణిస్తున్నాడు. వివాహం తర్వాత, ఆయేషా ఇస్లాం మతంలోకి మారి చిత్ర పరిశ్రమకు దూరంగా ఉంటుంది.

కొన్ని సంవత్సరాల క్రితం, ఆయేషా ప్లాస్టిక్ సర్జరీ చేయించుకుందని వెల్లడైంది. సర్జరీ తర్వాత ఆమె ముఖం పూర్తిగా మారిపోయింది. ఇక ఇటీవల ఆమె లుక్స్ గురించి సోషల్ మీడియాలో విపరీతమైన ట్రోలింగ్ జరిగింది. దీంతో ఆమె తన ఖాతాలన్నీ బ్లాక్ చేసేసింది. కానీ ఆ తర్వాత మళ్ళీ ఇన్‌స్టాగ్రామ్‌లో యాక్టివ్‌గా మారింది. తన ఫ్యామిలీకి సంబంధించిన ఫోటోస్, వీడియోస్ పంచుకుంటుంది.