Ramya Krishna: రమ్యకృష్ణ పక్కన ఉన్న ఈ చిన్నోడు టాలీవుడ్ హీరో.. కానీ ఇప్పుడు..

సోషల్ మీడియాలో ఓ టాలీవుడ్ హీరో చిన్ననాటి ఫోటో తెగ వైరలవుతుంది. ఒకప్పుడు తెలుగులో అనేక చిత్రాల్లో చైల్డ్ ఆర్టిస్టుగా అలరించిన ఆ కుర్రాడు.. ఆ తర్వాత హీరోగానూ మెప్పించాడు. కానీ వెండితెరపై హీరోగా సరైన బ్రేక్ అందుకోలేదు. దీంతో కొన్నాళ్లుగా సినిమాలకు దూరంగా ఉండిపోయాడు.

Ramya Krishna

Rajitha Chanti |
Updated on: Dec 25, 2024 | 5:50 PM

తెలుగు సినీరంగంలో ఒకప్పుడు చైల్డ్ ఆర్టిస్ట్.. ఎన్నో సినిమాల్లో బాలనటుడిగా కనిపించి మెప్పించాడు. ఆ తర్వాత హీరోగా మారాడు. కథానాయకుడిగా తక్కువ సినిమాల్లో నటించిన ఆ కుర్రాడు… కొన్నాళ్లుగా సినిమాలకు దూరంగా ఉండిపోయాడు. చాలా కాలం తర్వాత ఇప్పుడిప్పుడే తిరిగి ఇండస్ట్రీలోకి రీఎంట్రీ ఇస్తున్నాడు. పైన ఫోటోలో రమ్యకృష్ణతో ఉన్న ఆ పిల్లాడిని గుర్తుపట్టారా..? తెలుగులో ఏకంగా 40 చిత్రాల్లో చైల్డ్ ఆర్టిస్టుగా అలరించాడు. ఆ తర్వాత క్రేజీ హీరోగా మారిపోయాడు. ప్రేమకథలు, కామెడీ సినిమాలతో తనకంటూ ప్రత్యేక గుర్తింపు తెచ్చుకున్నాడు. కానీ హీరోగా సరైన బ్రేక్ అందుకోలేదు. దీంతో నెమ్మదిగా సినిమాలు తగ్గించేశాడు. ఇంతకీ ఆ కుర్రాడు ఎవరా అనుకుంటున్నారా.. ? అతడు మరెవరో కాదండి.. టాలీవుడ్ హీరో బాలాదిత్య.

చైల్డ్ ఆర్టిస్టుగా అలరించిన బాలాదిత్య.. ఆ తర్వాత చంటిగాడు సినిమాతో హీరోగా మెప్పించాడు. రాజేంద్రప్రసాద్ నటించిన ఎదురింటి మొగుడు పక్కింటి పెళ్లాం సినిమాలో బాలనటుడిగా సినీరంగ ప్రవేశం చేశాడు. మొదటిసినిమాతోనే మెప్పించిన బాలాదిత్య.. రౌడీ గారి పెళ్లాం.. అత్తింట్లో అద్దె మొగుడు.. జంబలకిడి పంబ.. బంగారు బుల్లోడు.. అబ్బాయి గారు, లిటిల్ సోల్జర్స్ వంటి అనేక చిత్రాల్లో బాలనటుడిగా కనిపించాడు. 2003లో చంటిగాడు సినిమాతో హీరోగా మారాడు. పలు చిత్రాల్లో హీరోగా కనిపించిన బాలాదిత్య.. ఆ తర్వాత కొన్నాళ్లు ఏ సినిమాలో కనిపించలేదు.

చివరకు చాలా కాలం తర్వాత తెలుగు బిగ్ బాస్ సీజన్ 6లో కంటెస్టెంట్ గా ఎంట్రీ ఇచ్చాడు. ఆ తర్వాత మా ఊరి పొలిమేర 2 సినిమాలో కనిపించాడు. ప్రస్తుతం సోషల్ మీడియాలో చాలా యాక్టివ్ గా ఉంటున్నాడు.