Pokiri Movie: ‘పోకిరి’ సినిమాకు ముందు అనుకున్న టైటిల్ అదే.. ఈ హీరో కోసం కథ రాస్తే మహేష్‏ హిట్ కొట్టాడు..

సూపర్ స్టార్ మహేష్ బాబు కెరీర్ మలుపు తిప్పిన సినిమాల్లో పోకిరి ఒకటి. డైరెక్టర్ పూరి జగన్నాథ్ దర్శకత్వం వహించిన ఈ సినిమాకు సినీ ప్రియుల్లో మంచి క్రేజ్ ఉంది. మహేష్, పూరి కాంబోలో వచ్చిన ఈమూవీ అప్పట్లో బ్లాక్ బస్టర్ హిట్ కొట్టింది. రూ. 10 కోట్లతో నిర్మించిన ఈ సినిమా దాదాపు రూ. 70 కోట్లకు పైగా వసూళ్లు రాబట్టింది. 2006 ఏప్రిల్ 28న రిలీజ్ అయిన ఈ సినిమా రికార్డ్స్ సృష్టించింది. ఇందులో మహేష్ పాత్రను అసలు ఫ్యాన్స్ ఊహించని రేంజ్‏లో క్రియేట్ చేశారు పూరి. తెలుగు చిత్రపరిశ్రమలో సరికొత్త రికార్డులు సృష్టించి పూరి, మహేష్ కెరీర్ లో అపురూప విజయాన్ని అందుకుంది ఈ మూవీ. ఇటీవలే పోకిరి సినిమా తన సినీ ప్రయాణాన్ని మలుపు తిప్పిందని.. తనకు ఎంతో ఇష్టమైన మూవీ అని చెప్పుకొచ్చారు మహేష్. కానీ మీకు తెలుసా ?.. ఈ సినిమా కథను ముందుగా రాసుకున్నది మరో హీరో కోసం. కానీ అతడు కాకుండా మహేష్ కు హిట్ గా నిలిచింది. అంతేకాకుండా ఈ సినిమాకు ముందుగా అనుకున్న టైటిల్ పోకిరి కాదు. అసలు విషయానికి వస్తే..

ఈ సినిమా కథను 2006కు ఆరేళ్ల ముందే రాసుకున్నారు పూరి. తన తొలి సినిమా బద్రి మూవీ కన్నా ముందే ఈ మూవీ స్క్రిప్ట్ రెడీ చేసుకున్నాడు. అయితే ఈ కథకు ముందుగా అనుకున్నది మహేష్ బాబును కాదు..మాస్ మాహారాజా రవితేజను. ఆయనతో ‘ఉత్తమ్ సింగ్.. సన్నాఫ్ సూర్య నారాయణ ‘ అనే టైటిల్ తో తెరకెక్కించాలనుకున్నారట. కానీ కొన్నికారణాలతో ఈ ప్రాజెక్ట్ పట్టాలెక్కలేదు. కొన్నాళ్లకు ఈ కథ మహేష్ వద్దకు చేరింది. ఆ తర్వాత స్క్రిప్ట్ లో కొన్ని మార్పులు చేసి ఈ సినిమాను పోకిరి గా మార్చారు. 2006లో విడుదలై బాక్సాఫీస్ షేక్ చేసింది ఈ సినిమా.

ఇవే కాకుండా ఈసినిమాలో హీరోయిన్ గా అనుకున్నది అయేషా టాకియాను. కానీ కొన్ని కారణాలతో ఆమె ఈ పాత్రను వదలుకుంది. ఆ తర్వాత ఆమె స్థానంలోకి కంగనా రనౌత్ వచ్చింది. ఈ చిత్రానికి ముంబయిలో అడియన్స్ జరుగుతున్న సమయంలో పక్కనే బాలీవుడ్ మూవీ గ్యాంగ్ స్టర్స్ సినిమాకు అడిషన్స్ జరిగాయి. కంగనా ఈ రెండు చిత్రాల్లో సెలక్ట్ అయ్యింది. దీంతో వీటిలో ఒక సినిమానే చేయాల్సి రావడంతో ఆమె పోకిరి మూవీని వదిలేసింది. అలా ఈ మూవీలో ఇలియానాకు ఛాన్స్ వచ్చింది.

మరిన్ని సినిమా వార్తల కోసం ఇక్కడ క్లిక్ చేయండి.