Sukrithi Ambati : ‘కేరింత’ బ్యూటీ గుర్తుందా ?.. నూకరాజు కోసం మళ్లీ వస్తోన్న భావన.. వీడియో వైరల్..

సుకృతి ఒకరు. ఈ పేరు చెబితే అస్సలు గుర్తుపట్టలేరు.. కానీ కేరింత భావన అంటే మాత్రం ఠక్కున గుర్తుపట్టేస్తారు. అంతగా తెలుగు ప్రేక్షకుల హృదయాల్లో స్థానం సంపాదించుకుంది. 2015లో శేఖర్ కమ్ముల దర్శకత్వం వహించిన ఈ సినిమా సూపర్ హిట్ అయిన సంగతి తెలిసిందే. ఎలాంటి హై బడ్జెట్ లేకుండా చిన్న సినిమాగా రూపొందిన ఈ మూవీ.. బాక్సాఫీస్ వద్ద మంచి విజయాన్ని అందుకుంది. ఇందులో యంగ్ హీరో సుమంత్ అస్విన్, పార్వతీశం, విస్వంత్, శ్రీదివ్య, సుకృతి, తేజస్వి ప్రధాన పాత్రలలో నటించారు. అప్పట్లో ఈ సినిమా యూత్ కు తెగ కనెక్ట్ అయ్యింది.

Bhavana, Nookaraju

Rajitha Chanti |
Updated on: Mar 10, 2024 | 2:05 PM

తెలుగు సినీ పరిశ్రమలో ఒకే ఒక్క సినిమాతో ప్రేక్షకులకు దగ్గరైన నటీనటుల చాలా మంది ఉన్నారు. తమ సహజ నటనతో ప్రశంసలు అందుకుని.. ఆ తర్వాత సినిమాలకు పూర్తిగా దూరమయ్యారు. కారణాలు తెలియదు కానీ.. మొదటి సినిమాతోనే ఇండస్ట్రీకి గుడ్ బై చెప్పేశారు. అందులో సుకృతి ఒకరు. ఈ పేరు చెబితే అస్సలు గుర్తుపట్టలేరు.. కానీ కేరింత భావన అంటే మాత్రం ఠక్కున గుర్తుపట్టేస్తారు. అంతగా తెలుగు ప్రేక్షకుల హృదయాల్లో స్థానం సంపాదించుకుంది. 2015లో శేఖర్ కమ్ముల దర్శకత్వం వహించిన ఈ సినిమా సూపర్ హిట్ అయిన సంగతి తెలిసిందే. ఎలాంటి హై బడ్జెట్ లేకుండా చిన్న సినిమాగా రూపొందిన ఈ మూవీ.. బాక్సాఫీస్ వద్ద మంచి విజయాన్ని అందుకుంది. ఇందులో యంగ్ హీరో సుమంత్ అస్విన్, పార్వతీశం, విస్వంత్, శ్రీదివ్య, సుకృతి, తేజస్వి ప్రధాన పాత్రలలో నటించారు. అప్పట్లో ఈ సినిమా యూత్ కు తెగ కనెక్ట్ అయ్యింది.

కేరింత సినిమాలో ప్రేక్షకులకు ఎక్కువగా నవ్వించి పాత్ర నూకరాజు. పట్నం కాలేజీలో చేరిన పల్లెటూరి అమాయకపు యువకుడిగా పార్వతీశం నూకరాజు పాత్రలో నవ్వించాడు. ఇక ఇందులో అతడికి జోడిగా కనిపించిన భావన పాత్రలో సుకృతి ఒదిగిపోయింది. వీరిద్దరి జోడి ప్రేక్షకులను ఆకట్టుకుంది. ఈ సినిమా తర్వాత సుకృతి మరో సినిమాలో కనిపించలేదు. ఇక ఇటీవలే పెళ్లి చేసుకుని కొత్త లైఫ్ స్టార్ట్ చేసింది. ప్రస్తుతం ఆమె తన భర్తతో కలిసి అమెరికాలో ఉంటున్నట్లు తెలుస్తోంది. అయితే ఇన్నాళ్లు సినిమాలకు దూరంగా ఉన్న సుకృతి.. ఇప్పుడు తన స్నేహితుడి కోసం మళ్లీ కెమెరా ముందుకు వచ్చింది. ఉందుకు సంబంధించిన వీడియో ఇప్పుడు నెట్టింట వైరలవుతుంది.

నూకరాజు పాత్రలో నటించిన పార్వతీశం ఇప్పుడు హీరోగా నటిస్తున్న సినిమా మార్కెట్ మహాలక్ష్మి. ఇందులో ప్రణీకాన్వికా కథానాయికగా నటిస్తుంది. కొత్త డైరెక్ట్ర వియస్ ముఖేష్ దర్శకత్వం వహిస్తున్న ఈ సినిమా ట్రైలర్ మార్చి 11న రిలీజ్ చేయనున్నారు. అయితే ఈ మూవీ ప్రమోషన్స్ లో సుకృతి పాల్గొంది. మళ్లీ భావన అంటూ నూకరాజు పాత్రను గుర్తు చేశారు. ఇందుకు సంబంధించిన వీడియో ఇప్పుడు నెట్టింట వైరలవుతుంది. మరోసారి నూకరాజు, భావన ముచ్చట్లు మళ్లీ చూసేయ్యండి.