Prabhas: ఆ హీరోయిన్ యాక్టింగ్ అంటే ప్రభాస్‏కు చాలా ఇష్టం.. సినిమా చేయాలనుకున్నా.. కానీ..

యంగ్ రెబల్ స్టార్ ప్రభాస్ ప్రస్తుతం రాజాసాబ్ మూవీలో నటిస్తున్న సంగతి తెలిసిందే. డైరెక్టర్ మారుతి తెరకెక్కిస్తున్న ఈ సినిమాపై ఇప్పటికే మంచి క్యూరియాసిటీ నెలకొంది. ఇప్పటికే ఈ సినిమా నుంచి విడుదలైన గ్లింప్స్, పోస్టర్స్ ఆకట్టుకున్నాయి. ఇదిలా ఉంటే.. ప్రభాస్ కు ఇష్టమైన హీరోయిన్ ఎవరో తెలుసా..?

Prabhas

Rajitha Chanti |
Updated on: Nov 07, 2024 | 7:56 PM

పాన్ ఇండియా స్టార్ ప్రభాస్ ప్రస్తుతం చేతినిండా సినిమాలతో దూసుకుపోతున్న సంగతి తెలిసిందే. ఇటీవలే కల్కి 2898 ఏడీ భారీ విజయాన్ని అందుకున్న డార్లింగ్.. ఇప్పుడు చేతిలో అరడజనుకు పైగా చిత్రాల్లో నటిస్తున్నాడు. ఇక డార్లింగ్ కొత్త సినిమా అప్డేట్స్ కోసం ఫ్యాన్స్ ఎంతో ఆసక్తిగా వెయిట్ చేస్తున్నారు. త్వరలోనే ప్రభాస్ నటిస్తున్న రాజాసాబ్ సినిమాను నుంచి వరుస అప్డే్ట్స్ రానున్నట్లు తెలుస్తోంది. అలాగే డిసెంబర్ చివరి వారంలో డైరెక్టర్ సందీప్ రెడ్డి వంగా తెరకెక్కించనున్న స్పిరిట్ మూవీ ప్రాజెక్ట్ పట్టాలెక్కనుంది. మరోవైపు డైరెక్టర్ హను రాఘవపూడి తెరకెక్కిస్తున్న ఓ ప్రాజెక్ట్ షూటింగ్ జరుగుతుంది. ఇదిలా ఉంటే. ప్రభాస్ సరసన నటించాలని చాలా మంది హీరోయిన్స్ కలలు కంటారు.

డార్లింగ్ సినిమాలో ఛాన్స్ వస్తే అసలు మిస్ చేసుకోవద్దని అనుకుంటారు. అలాంటి డార్లింగ్ కు ఓ హీరోయిన్ యాక్టింగ్ అంటే చాలా ఇష్టమట. ఆమెతో ఓ సినిమా చేయాలని ఉందని తన మనసులోని మాటను బయటపెట్టారు. గతంలో తన సినిమా ప్రమోషన్లలో భాగంగా ఓ ఇంటర్వ్యూలో పాల్గొన్న ప్రభాస్ యాంకర్ ఉద్దేశించి.. మీరు ఏ హీరోయిన్ తో పని చేయాలని అనుకుంటున్నారు అని అడగ్గా.. సాయి పల్లవి యాక్టింగ్ అంటే తనకు చాలా ఇష్టమని.. ఆమెతో సినిమా చేయాలని ఉందని అన్నారు. సాయి పల్లవి డ్యాన్స్, స్టైల్ నచ్చుతుందని.. కానీ ఆమెతో సినిమా అంటే హైట్ మ్యాచ్ అవుతుందో లేదో అని డౌట్ అంటూ ప్రభాస్ చెప్పుకొచ్చారు.

అయితే ప్రభాస్ కు సాయి పల్లవి యాక్టింగ్ అంటే ఇష్టమని తెలియడంతో ఇద్దరి కాంబోలో సినిమా వస్తే బాగుంటుందని ఫ్యాన్స్ కామెంట్స్ చేస్తున్నారు. గతంలో ప్రభాస్ మాట్లాడిన మాటలను ఇప్పుడు మరోసారి షేర్ చేస్తున్నారు. ఇటీవలే అమరన్ సినిమాతో సూపర్ హిట్ అందుకుంది. కోలీవుడ్ హీరో శివకార్తికేయన్ ప్రధాన పాత్రలో నటించిన ఈ చిత్రానికి రాజ్ కుమార్ పెరియసామి దర్శకత్వం వహించారు.