Lucky Bhaskar: అరెరే.. సూపర్ ఛాన్స్ మిస్ అయ్యాడే.. లక్కీ భాస్కర్ సినిమాను వదిలేసుకున్న టాలీవుడ్ హీరో ఎవరో తెలుసా..

దీపావళి పండగ సందర్భంగా విడుదలైన అన్ని సినిమాలు సూపర్ హిట్ టాక్‏తో దూసుకుపోతున్నాయి. అమరన్, క, లక్కీ భాస్కర్ చిత్రాలకు అడియన్స్ నుంచి రెస్పాన్స్ వస్తుంది. అలాగే ఓ రేంజ్ వసూళ్లు రాబడుతూ పోటాపోటీగా సత్తా చాటుతున్నాయి. మలయాళీ స్టార్ హీరో దుల్కర్ సల్మాన్ లక్కీ భాస్కర్ సినిమాతో మరో విజయాన్ని ఖాతాలో వేసుకున్నాడు. దీపావళి రోజున అక్టోబర్ 31న విడుదలైన ఈ సినిమా ఫ్యామిలీ ప్రేక్షకులను, యూత్‏ను తెగ ఆకట్టుకుంటుంది. సీతారామం సినిమాతో తెలుగులో మంచి క్రేజ్ సొంతం చేసుకున్న దుల్కర్ ఈ మూవీతో మరోసారి మెప్పించాడు. మిడిల్ క్లాస్ ఫ్యామిలీకి బాగా కనెక్ట్ అయ్యే అంశాలకు ఎమోషన్ జోడించి అద్భుతంగా రూపొందించాడు డైరెక్టర్ వెంకీ అట్లూరీ. తెలుగుతోపాటు తమిళం, మలయాళం, కన్నడ భాషలలో రిలీజ్ అియన ఈ సినిమా మొదటి మూడు రోజుల్లోనే రూ.18.07 కోట్లకు పైగా వసూళ్లు రాబట్టింది.

ఇదిలా ఉంటే.. లక్కీ భాస్కర్ సినిమాకు దుల్కర్ సల్మాన్ ఫస్ట్ ఛాయిస్ కాదట. నిజానికి ఈ చిత్రాన్ని న్యాచురల్ స్టార్ నాని చేయాల్సి ఉందట. ఈ సినిమా కథను ముందుగా డైరెక్టర్ వెంకీ అట్లూరి నానికి చెప్పగా.. లైన్ బాగుందని.. కానీ అప్పటికే వరుస సినిమాల్లో నటిస్తుండడంతో ఈ ప్రాజెక్టును చేయలేకపోయాడట. ఆ తర్వాత ఈ కథను దుల్కర్ సల్మాన్ కు చెప్పగా.. వెంటనే గ్రీన్ సిగ్నల్ ఇచ్చాడట. ఇందులో మిడిల్ క్లాస్ తండ్రి పాత్రలో అద్భుతంగా నటించి ప్రశంసలు అందుకున్నాడు దుల్కర్ సల్మాన్. ఎలాంటి అంచనాలు లేకుండా విడుదలైన ఈ సినిమా ఇప్పుడు సూపర్ హిట్ కావడంతో.. నాని మరో హిట్టు మిస్సయ్యాడు అంటూ అభిప్రాయం వ్యక్తం చేస్తున్నారు ఫ్యాన్స్.

లక్కీ భాస్కర్ చిత్రంలో దుల్కర్ సల్మాన్ జోడిగా మీనాక్షి చౌదరి నటించింది. ఈ సినిమాలో బ్యాంక్ ఉద్యోగిగా, మిడల్ క్లాస్ ఫ్యామిలీలో తండ్రిగా నటించి మరోసారి తెలుగు అడియన్స్ హృదయాలను గెలుచుకున్నాడు దుల్కర్. ఈ చిత్రాన్ని సూర్యదేవర నాగవంశీ, సాయి సౌజన్య సంయుక్తంగా నిర్మించారు. సోషల్ మీడియా టాక్ ప్రకారం ఈ సినిమా నవంబర్ 31న ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో స్ట్రీమింగ్ కానుందని తెలుస్తోంది. ప్రస్తుతం సౌత్ ఇండస్ట్రీలో ఈ మూవీ మంచి వసూళ్లతో దూసుకుపోతుంది.

మరిన్ని సినిమా వార్తల కోసం ఇక్కడ క్లిక్ చేయండి.