Mahesh Babu: మహేష్ ఫ్యాన్స్‏కు క్రేజీ అప్డేట్ ఇచ్చిన జక్కన్న.. సూపర్ స్టార్ సినిమా గురించి ఏం చెప్పారంటే..

ఎస్ఎస్ రాజమౌళి.. ఇప్పుడు కేవలం మన దేశమే కాదు.. యావత్ ప్రపంచంలోని అన్ని ఇండస్ట్రీలలో ఈ పేరు ఫేమస్. బాహుబలి సినిమాతో తెలుగు సినిమా స్థాయిని ప్రపంచానికి పరిచయం చేయడమే కాకుండా.. ఆర్ఆర్ఆర్ సినిమాతో హాలీవుడ్ డైరెక్టర్స్‏ను ఫిదా చేశాడు జక్కన్న. ఇప్పటివరకు ఆయన తెరకెక్కించిన ప్రతి సినిమా బ్లాక్ బస్టర్ హిట్. అంతేకాదు. ప్రేక్షకుల అంచనాలను మించి సినిమాను రూపొందించడంలో ఆయన దిట్ట. ఇటీవల ఆర్ఆర్ఆర్ సినిమాతో సంచలనం క్రియేట్ చేసిన రాజమౌళి ఇప్పుడు తన తదుపరి సినిమా కోసం సిద్ధమవుతున్నారు. తన నెక్ట్స్ ప్రాజెక్ట్ సూపర్ స్టార్ మహేష్ బాబుతో (Mahesh Babu) ఉంటుందని గతంలోనే అనౌన్స్ చేశాడు జక్కన్న. దీంతో వీరిద్దరి కాంబోలో రాబోయే సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. అలాగే ఈ ప్రాజెక్ట్ పై భారీగా అంచనాలు నెలకొన్నాయి. తాజాగా ఈ సినిమాపై క్రేజీ అప్డేట్ ఇచ్చాడు రాజమౌళి.

ఇటీవల ఓ ఇంటర్వ్యూలో పాల్గోన్న జక్కన్న మాట్లాడుతూ.. తన దర్శకత్వంలో మహేష్ చేయబోయే సినిమా ఓ గ్లోబల్ భారీ యాక్షన్ అడ్వెంచర్ థ్రిల్లర్ అని తెలిపాడు. ప్రతి ఒక్క సినీ ప్రేమికుడిని ఈ మూవీ ఆకట్టుకుంటుందని.. ప్రస్తుతం స్క్రిప్ట్ పై వర్క్ జరుగుతుందని అన్నారు. ఇక మరో రెండు నెలల్లో ఈ ప్రాజెక్ట్ ప్రారంభంకానుంది. ఎస్ఎస్ఎంబీ29 అనే వర్కింగ్ టైటిల్ పై రాబోతున్న ఈ సినిమాలో మహేష్ మరింత స్టైలీష్ అండ్ పవర్ ఫుల్ లుక్‏లో కనిపించనున్నారు. ఇక ఈ సినిమా ఆఫ్రికా అడవులలో ఒక అడ్వెంచరస్ థ్రిల్లర్ గా ఉండనుంది.