Prashanth Varma: ఛాన్స్ వస్తే దర్శకత్వం మానేస్తా.. డైరెక్టర్ ప్రశాంత్ వర్మ ఆసక్తికర కామెంట్స్..
ఈ ఏడాది ప్రారంభంలోనే హనుమాన్ సినిమాతో సూపర్ హిట్ అందుకున్నాడు డైరెక్టర్ ప్రశాంత్ వర్మ. ఇందులో యంగ్ హీరో తేజ సజ్జా ప్రధాన పాత్రలో నటించిన సంగతి తెలిసిందే. ఇప్పుడు ఈ సినిమాకు సీక్వెల్ తెరకెక్కిస్తున్నాడు. ఇందులో కన్నడ స్టార్ హీరో రిషబ్ శెట్టి ఆంజనేయుడి పాత్రలో నటిస్తున్న సంగతి తెలిసిందే.
డైరెక్టర్ ప్రశాంత్ వర్మ.. తెలుగు సినీ ప్రియులకు ప్రత్యేకంగా పరిచయం అవసరంలేని పేరు. యంగ్ హీరో తేజా సజ్జా హీరోగా హనుమాన్ సినిమాతో అటు ఇంటర్నేషనల్ ప్రేక్షకులను ఆకట్టుకున్నారు. ఒక్క మూవీతోనే యావత్ దేశవ్యాప్తంగా ఉన్న సినీప్రియులను ఆకర్షించారు. హనుమాన్ మూవీ డైరెక్షన్ పై సినీ క్రిటిక్స్ ప్రశంసలు కురిపించారు. ఇప్పుడు ఆయన తెరకెక్కించబోయే హనుమాన్ సీక్వెల్ పై భారీ అంచనాలు ఉన్నాయి. ఇటీవలే ఈ మూవీ ఫస్ట్ లుక్ పోస్టర్ రిలీజ్ చేయగా..మరింత క్యూరియాసిటీ నెలకొంది. ఇందులో కన్నడ హీరో రిషబ్ శెట్టి హనుమాన్ పాత్రలో కనిపించనున్నాడు.
ప్రస్తుతం హనుమాన్ పార్ట్ ప్రొడక్షన్ పనులతో బిజీగా ఉన్న ప్రశాంత్ వర్మ.. తాజాగా చేసిన కామెంట్స్ వైరల్ గా మారాయి. యంగ్ హీరో అశోక్ గల్లా నటించిన దేవకీ నందన వాసుదేవ ప్రీ రిలీజ్ ఈవెంట్ కు ముఖ్య అతిథిగా హాజరయ్యారు ప్రశాంత్ వర్మ. ఈ సందర్భంగా.. తాను దర్శకుడు కాకముందే 33 కథలు రాసుకున్నట్లు వెల్లడించారు. వాటిలో ఒక కథ యాంకర్ సుమ కుమారుడి కోసం చెప్పినట్లు తెలిపారు.
“నేను ఇండస్ట్రీలోకి రాకముందే 33 కథలు రాసుకున్నాను. ఇప్పటివరకు తీసిన సినిమాలకు వాటికి ఎలాంటి సంబంధం లేదు.. నాకు కథలు రాయడం చాలా ఇష్టం. అవకాశమిస్తే దర్శకత్వం మానేసి వేరే దర్శకుల కోసం కథలు రాయడానికే ఎక్కువ ప్రాధాన్యమిస్తాను. కావాలంటే బోయపాటి శ్రీను గారికి కూడా కథలు ఇస్తాను” అని అన్నారు. దీంతో డైరెక్టర్ బోయపాటి మాట్లాడుతూ.. తాను రాసుకున్న కథలు వేరే దర్శకులకు ఇవ్వాలంటే మంచి మనసు ఉండాలని.. ప్రశాంత్ వర్మ మనసున్న వ్యక్తి అని అన్నారు.
ఇది చదవండి : Tollywood: వార్నీ.. ఏందీ బాసూ ఈ అరాచకం.. పద్దతిగా ఉందనుకుంటే గ్లామర్ ఫోజులతో హీటెక్కిస్తోందిగా..
Tollywood: ఇరవై ఏళ్లపాటు స్టార్ హీరోయిన్.. బాత్రూమ్ గోడలో రూ.12 లక్షలు దొరకడంతో కెరీర్ నాశనం..
Chandamama: దొరికిందోచ్.. టాలీవుడ్కు మరో చందమామ.. ఈ హీరోయిన్ కూతురిని చూశారా.. ?
మరిన్ని సినిమా వార్తల కోసం ఇక్కడ క్లిక్ చేయండి.