Sakhi Movie: ఏంటీ.. సఖి సినిమాను ఆ ఇద్దరితో చేయాలనుకున్నారా..? ఎలా మిస్సయ్యిందంటే..

డైరెక్టర్ మణిరత్నం రూపొందించిన ప్రేమకథా చిత్రాల్లో సఖి ఒకటి. అప్పట్లో ఈ సినిమా సన్సేషనల్ హిట్. తమిళంలో తెరకెక్కించిన ఈ చిత్రాన్ని తెలుగులోనూ విడుదల చేయగా.. భారీ విజయాన్ని అందుకుంది. ఇందులో ఆర్ మాధవన్, శాలిని జంటగా నటించగా.. జయసుధ కీలకపాత్ర పోషించింది. తమిళంలో అలై పాయుతే పేరుతో తెరకెక్కించిన ఈ చిత్రానికి ఏఆర్ రెహమాన్ అందించిన మ్యూజిక్ మరో హైలెట్. థియేటర్లలో వంద రోజులకు పైగా ప్రదర్శించబడిన ఈ సినిమాకు అడియన్స్ నుంచి విశేషమైన ఆదరణ లభించింది. ఇదే చిత్రాన్ని హిందీలో సాతియా పేరుతో రీమేక్ చేయగా.. అక్కడ సైతం బ్లాక్ బస్టర్ హిట్ అయ్యింది. ఈ సినిమాతో మాధవన్, శాలిని జోడికి అడియన్స్ ఫిదా అయ్యారు.

ఇప్పటికీ ఈ సినిమా వస్తే టీవీలకు అతుక్కుపోతుంటారు జనాలు. అలాగే ఈ చిత్రంలోని సాంగ్స్ గురించి చెప్పక్కర్లేదు. ఇదిలా ఉంటే.. తాజాగా ఓ ఇంటర్వ్యూలో పాల్గొన్న మణిరత్నం ఈ సినిమా గురించి ఓ ఆసక్తికర విషయాన్ని బయటపెట్టారు. సఖి సినిమా కోసం మొదట బాలీవుడ్ స్టార్ హీరోహీరోయిన్స్ అనుకున్నట్లు తెలిపాడు. ఈ క్రమంలోనే మణిరత్నం మాట్లాడుతూ.. “నేను ముందుగా షారుఖ్, కాజోల్ తో ఈ సినిమా తీయాలనుకున్నాను. షారుఖ్ దగ్గరకు వెళ్లి కథ కూడా చెప్పాను. ఆయన కథ విన్న వెంటనే క్షణం ఆలోచించకుండా ఒప్పేసుకున్నాడు. కానీ అప్పటికీ క్లైమాక్స్ సరిగ్గా కుదర్లేదు. అందుకని ఆ సినిమాను పక్కనపెట్టేసి షారుఖ్ తో దిల్ సే సినిమా చేశాను. ఆ సినిమా పూర్తయ్యే సమయానికి సఖి క్లైమాక్స్ ను ఎలా రూపొందించాలని ఆలోచన తట్టింది” అంటూ చెప్పుకొచ్చారు.

డైరెక్టర్ మణిరత్నం ఇప్పటివరకు ఎన్నో సూపర్ హిట్ చిత్రాలను తెరకెక్కించారు. చివరగా పొన్నియన్ సెల్వన్ 2 సినిమాను రూపొందించారు. ఇందులో ఐశ్వర్య రాయ్, విక్రమ్ చియాన్, జయం రవి, త్రిష, శోభిత ధూళిపాళ్ల, ఐశ్వర్య లక్ష్మి కీలకపాత్రలు పోషించిన సంగతి తెలిసిందే.

ఇది చదవండి :  Tollywood: తస్సాదియ్యా.. గ్లామర్ బ్యూటీలో ఈ టాలెంట్ కూడా ఉందా..? ఎవరో తెలుసా..

Tollywood: 7 సంవత్సరాల్లో 3 పెళ్లిళ్లు చేసుకున్న హీరోయిన్.. ఇప్పటికీ ఒంటరిగానే జీవితం.. ఎవరంటే..

Tollywood: వారెవ్వా.. మెంటలెక్కిస్తోన్న మల్లీశ్వరి చైల్డ్ ఆర్టిస్ట్.. ఎంతగా మారిపోయింది.. ?

Tollywood: ఇండస్ట్రీలోనే అత్యంత ఖరీదైన విడాకులు.. ఆ స్టార్ హీరో భార్యకు ఎంత భరణం ఇచ్చాడంటే..