అరుదైన సమస్యతో బాధపడుతున్న అనుష్క.. షూటింగ్‌లో చాలా ఇబ్బందిపడ్డనంటున్న నటి

డైనమిక్ డైరెక్టర్ పూరిజగన్నాథ్ దర్శకత్వంలో వచ్చిన సూపర్ సినిమాతో హీరోయిన్ గా పరిచయం అయ్యింది ఈ అందాల భామ. సూపర్ సినిమాలో అనుష్క అందానికి కుర్రకారు ఫిదా అయ్యారు. ఆతర్వాత వరుసగా సినిమాలు చేస్తూ రాణించింది. టాలీవుడ్ లో దాదాపు అందరు హీరోల సరసన సినిమాలు చేసి మెప్పించింది ఈ వయ్యారి భామ. అలాగే లేడీ ఓరియేంటేడ్ సినిమాలకు అనుష్క పెట్టింది పేరు.

Anushka

Rajeev Rayala |
Updated on: Jun 19, 2024 | 10:39 AM

సౌత్ ఇండస్ట్రీలో స్టార్ హీరోయిన్ గా రాణించిన ముద్దుగుమ్మల్లో అనుష్క ఒకరు. ఈ చిన్నది టాలీవుడ్ టాప్ హీరోయిన్ గా ఏలింది. డైనమిక్ డైరెక్టర్ పూరిజగన్నాథ్ దర్శకత్వంలో వచ్చిన సూపర్ సినిమాతో హీరోయిన్ గా పరిచయం అయ్యింది ఈ అందాల భామ. సూపర్ సినిమాలో అనుష్క అందానికి కుర్రకారు ఫిదా అయ్యారు. ఆతర్వాత వరుసగా సినిమాలు చేస్తూ రాణించింది. టాలీవుడ్ లో దాదాపు అందరు హీరోల సరసన సినిమాలు చేసి మెప్పించింది ఈ వయ్యారి భామ. అలాగే లేడీ ఓరియేంటేడ్ సినిమాలకు అనుష్క పెట్టింది పేరు. ఆమె నటించిన అరుంధతి సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. అలాగే బాహుబలి సినిమాతో పాన్ ఇండియా స్టార్ గా మారిపోయింది. ఇక ఇప్పుడు అనుష్క సినిమాల స్పీడ్ తగ్గించింది. ఆచితూచి సినిమాలు చేస్తుంది. ఇటీవలే నవీన్ పోలిశెట్టి హీరోగా నటించిన మిస్టర్ శెట్టి మిస్ పోలిశెట్టి సినిమాలో నటించి మెప్పించింది.

ఇదిలా ఉంటే అనుష్కకు ఉన్న ఓ అరుదైన సమస్య తో బాధపడుతుంది. అది పెద్ద సమస్య కాదు.. కానీ దాని వల్ల అనుష్క కొన్ని సార్లు ఇబ్బందిపడిందట. ఇదే విషయాన్నీ ఆమె పలుసార్లు ఇంటర్వ్యూలో తెలిపింది. ఒక్కసారి నవ్వితే అనుష్క చాలా సేపు ఆపకుండా నవ్వుతూనే ఉంటుందట. ఎవరైనా జోక్ చేస్తే చాలు పగలబడి నవ్వుతుందట ఈ అమ్మడు. దాని వల్ల సినిమా షూటింగ్ సమయంలో చాలా ఇబ్బందిపడ్డాను అని తెలిపింది అనుష్క.

అనుష్క శెట్టి చాలా త్వరగా నవ్వేస్తుందట..చిన్న చిన్న సరదా విషయాలకు కూడా బాగా నవ్వుతుంది. ఒక్కసారి నవ్వడం మొదలుపెడితే ఆపుకోలేదు. అనుష్క శెట్టి ఎంత ప్రయత్నించినా నవ్వు ఆపుకోలేక ఒక్కోసారి నేలపై పడి నవ్వుకుంటుందట. ఈ కారణంగా చాలాసార్లు షూటింగ్ ఆగిపోయిందని తెలిపింది. షూటింగ్ లో ఏదైనా కామెడీ సన్నివేశం చేయాల్సి వస్తే ఆ రోజు షూటింగ్ చాలా ఆలస్యం అవుతుందట. తాను నవ్వడం మొదలు పెడితే యూనిట్ మొత్తం టీ బ్రేక్ తీసుకుంటారు అని తెలిపింది అనుష్క. వారు టీ తాగి రిలాక్స్ అయ్యే వరకు తాను నవ్వుతూనే ఉంటాను అని సరదాగా తెలిపింది అనుష్క.