Balakrishna: బాలయ్య సినిమానా మజాకా..! భారీ ధరకు ఎన్బీకే 108 డిజిటల్ రైట్స్
బోయపాటి శ్రీనుతో కలిసి హ్యాట్రిక్ హిట్స్ అందుకున్నారు బాలయ్య. ఆ తర్వాత గోపీచంద్ మలినేని దర్శకత్వంలో వీరసింహారెడ్డి సినిమా చేశారు. ఈ సినిమా కూడా మంచి హిట్ గా నిలిచింది. ఇక ఇప్పుడు అనిల్ రావిపూడి దర్శకత్వంలో సినిమా చేస్తున్న విషయం తెలిసిందే.
Updated on: Apr 02, 2023 | 5:04 PM
నటసింహం నందమూరి బాలకృష్ణ వరుస విజయాలతో ఫుల్ జోష్ మీదున్నారు. అఖండ సినిమాతో సంచలన విజయం అందుకున్నారు బాలయ్య. బోయపాటి శ్రీనుతో కలిసి హ్యాట్రిక్ హిట్స్ అందుకున్నారు బాలయ్య. ఆ తర్వాత గోపీచంద్ మలినేని దర్శకత్వంలో వీరసింహారెడ్డి సినిమా చేశారు. ఈ సినిమా కూడా మంచి హిట్ గా నిలిచింది. ఇక ఇప్పుడు అనిల్ రావిపూడి దర్శకత్వంలో సినిమా చేస్తున్న విషయం తెలిసిందే. ఇందులో కాజల్, శ్రీలీల కీలకపాత్రలలో నటిస్తున్నారు. కొద్ది రోజులుగా ఈ మూవీ చిత్రీకరణ శరవేగంగా జరుగుతుంది. ప్రస్తుతం ఎన్బీకే 108 అనే వర్కింగ్ టైటిల్ తో తెరకెక్కుతున్న ఈ చిత్రం నుంచి ఇటీవల విడుదలైన ఫస్ట్ లుక్ పోస్టర్ అంచనాలను పెంచేసింది. ఈ పోస్టర్ 90’s బాలయ్యను మరోసారి గుర్తుచేసిందంటూ కామెంట్స్ చేశారు ఫ్యాన్స్.
ఇక ఈ సినిమా షూటింగ్ శరవేగంగా జరుగుతోంది. ఈ సినిమా అక్టోబర్ లో ప్రేక్షకులముందుకు రానుంది. ఇక బాలకృష్ణ మూవీ డిజిటల్ రైట్స్ భారీ ధరకు అమ్ముడైనట్టు తెలుస్తోంది. బాలయ్య గత సినిమాలు సూపర్ హిట్స్ గా నిలవడంతో ఇప్పుడు ఈ మూవీ పై భారీ అంచనాలు నెలకొన్నాయి.
ప్రముఖ ఓటీటీ సంస్థ అమెజాన్ ప్రైమ్ బాలయ్య సినిమాను ఏకంగాని 36 కోట్లు ఇచ్చి డిజిటల్ రైట్స్ సొంతం చేసుకున్నట్లు టాక్ వినిపిస్తున్నాయి. ఈ మూవీని 100 కోట్ల బడ్జెట్ తో తెరకెక్కిస్తున్నారని తెలుస్తోంది. ఇక ఈ సినిమాలో కాలేజ్ టీచర్ పాత్రలో కనిపించనున్నట్టు తెలుస్తోంది. అలాగే శ్రీలీల బాలకృష్ణ కూతురి పాత్రలో కనిపించనుందట.
