Dasara Trailer: దుమ్మురేపిన నాని.. దద్దరిల్లిపోయిన దసరా మూవీ ట్రైలర్
ఊర మాస్ మసాలా కంటెంట్ తో ఈ సినిమాను తెరకెక్కిస్తున్నారు. మునుపెన్నడూ చేయని పాత్రలో నాని నటిస్తుండగా.. సింగరేణి నేపథ్యంలో ఈ మూవీ ఉండనుంది.
Updated on: Mar 14, 2023 | 6:50 PM
నేచురల్ స్టార్ నాని నటిస్తోన్న పాన్ ఇండియా మూవీ దసరా. నాని మునుపెన్నడూ కనిపించని మాస్ పాత్రలో నటిస్తున్నాడు నాని. ఊర మాస్ మసాలా కంటెంట్ తో ఈ సినిమాను తెరకెక్కిస్తున్నారు. మునుపెన్నడూ చేయని పాత్రలో నాని నటిస్తుండగా.. సింగరేణి నేపథ్యంలో ఈ మూవీ ఉండనుంది. ఇక ఈ సినిమాలో నానికి జోడీగా కీర్తిసురేష్ నటిస్తోంది. ఇప్పటికే విడుదలైన ఈ సినిమా టీజర్ సినిమా పై అంచనాలను అమాంతం పెంచేసింది.
తాజాగా ఈ మూవీ నుంచి ట్రైలర్ ను విడుదల చేశారు. ఈ ట్రైలర్ సినిమా పై అంచనాలను ఆకాశానికి చేర్చేసింది. నాని నటనతో మరోసారి ఆకట్టుకోవడానికి రెడీ అయ్యాడని ఈ ట్రైలర్ చూస్తే అర్ధమవుతుంది. కంప్లీట్ యాక్షన్ ఎంటర్టైనర్ గా ఈ సినిమా తెరకెక్కింది. అలాగే వెన్నెల పాత్రలో కీర్తిసురేష్ అద్భుతంగా నటించింది. డీ గ్లామర్ లుక్ లో చాలా నేచురల్ గా అనిపించింది కీర్తి.
ఇక దసరా సినిమాకు శ్రీకాంత్ ఓదెల దర్శకత్వం వహిస్తున్నాడు. ఈ సినిమా తెలుగుతోపాటు.. తమిళ్, కన్నడ , హిందీ, మలయాళ భాషల్లో రిలీజ్ చేయనున్నారు. ఈ సినిమా, ఈ సబ్జెక్టు పాన్-ఇండియా ఆడియన్స్ కి నచ్చుతుంది అనే ధీమాతో ఉన్నారు చిత్ర యూనిట్. ట్రైరల్ చూస్తుంటే ఈ సినిమా పక్కగా ప్రేక్షకులను ఆకట్టుకుంటుందని అనిపిస్తుంది. మీరూ ఈ ట్రైలర్ పై ఓ లుక్కేయండి.
