Dhanush: ధనుష్ తొలి తెలుగు సినిమాకు ఊహించని షాక్.. దాంతో షూటింగ్ కు బ్రేక్.. అసలు ఏమైందంటే

తమిళ్ స్టార్ హీరో ధనుష్ ప్రస్తుతం వరుస సినిమాలతో ఫుల్ బిజీగా గడుపుతున్నాడు. ఇటీవలే అనూహ్యంగా తన 18 ఏళ్ల వివాహబంధానికి స్వస్తి చెప్పి షాకిచ్చాడు ధనుష్.

Danush

Rajeev Rayala |
Updated on: Jan 26, 2022 | 8:14 AM

Dhanush: తమిళ్ స్టార్ హీరో ధనుష్ ప్రస్తుతం వరుస సినిమాలతో ఫుల్ బిజీగా గడుపుతున్నాడు. ఇటీవలే అనూహ్యంగా తన 18 ఏళ్ల వివాహబంధానికి స్వస్తి చెప్పి షాకిచ్చాడు ధనుష్. ఇక విడాకుల అనంతరం సినిమాలతో బిజీగా గడిపేస్తున్నాడు. ఈ క్రమంలోనే బ్యాక్ టు బ్యాక్ సినిమాలను లైనప్ చేశాడు ధనుష్. ఈ క్రమంలోనే తెలుగులో రెండు సినిమాలను ఓకే చేశాడు ఈ వర్సటైల్ యాక్టర్. వీటిలో యంగ్ డైరెక్టర్ వెంకీ అట్లూరి సినిమా ఒకటి.. మరొకటి శేఖర్ కమ్ముల మూవీ. వీటిలో వెంకీ సినిమా ముందుగా ప్రేక్షకుల ముందుకు రానుంది. ఇప్పటికే ఈ సినిమా పూజ కార్యక్రమాలు జరుపుకుంది. రీసెంట్ గానే షూటింగ్ కూడా మొదలు పెట్టారు. ఈ సినిమాకు సార్ అనే టైటిల్ ను ఖరారు చేశారు. సితారా ఎంటర్టైన్మెంట్స్, ఫొర్చ్యూన్ ఫోర్ సినిమాస్ సంయుక్తంగా నిర్మిస్తున్న ఈ చిత్రంలో ధనుష్ టీచర్గా కనిపించనున్నారు. అయితే ధనుష్ సోదరుడు ఇటీవలే కరోనా బారిన పడిన విషయం తెలిసిందే. తాజాగా ధనుష్ కూడా కరోనా సోకినట్టు తెలుస్తుంది. దాంతో సినిమాకు బ్రేక్ పడింది.

ధనుష్కు కరోనా అని తేలగానే ‘సార్’ చిత్రీకరణ ఆపేశారు. ప్రస్తుతం ధనుష్ హోం ఐసోలేషన్లో వైద్యుల సలహా మేరకు చికిత్స తీసుకుంటున్నారు. పదిరోజుల, పదిహేను రోజుల వరకూ ధనుష్ ‘సార్’ చిత్రీకరణలో పాల్గొనే అవకాశం లేదు. ఇలా సార్ సినిమాకు ఆదిలోనే బ్రేక్ పడితే ఇప్పుడు అనుకోని షాక్ కూడా తగిలింది. ఈ చిత్రానికి వర్క్ చేస్తున్న సినిమాటోగ్రాఫర్ ఉన్నట్టుండి ఈ మూవీ నుంచి తాను తప్పుకుంటున్నానని సోషల్ మీడియా వేదికగా ప్రకటించారు. సినిమానుంచి సినిమాటోగ్రాఫర్ దినేష్ కృష్ణన్ తాను తప్పుకుంటున్నట్టుగా ప్రకటించారు. అనివార్య కారణాల వల్ల తాను ఈ సినిమా నుంచి తప్పుకుంటున్నానని తెలుపారు. దాంతో ఇప్పుడు మరో సినిమాటోగ్రాఫర్ ను వెతికే పనిలో పడ్డారట చిత్రయూనిట్. ఇక సార్ సినిమా బ్రేక్- షాక్ రెండు ఒకేసారి తగిలాయి.

It is unfortunate that I couldn’t be a part of @dhanushkraja’s #vaathi #SIRmovie Hoping to work soon with @Fortune4Cinemas @SitharaEnts @vamsi84 #venkyatluri ?. #covid pic.twitter.com/fjRq9GYsiJ

— Dinesh krishnan DP (@dineshkrishnanb) January 25, 2022