Tollywood: బొమ్మ అద్దిరిపోయింది.. ఒకే ఫ్రేమ్‌లో చిరు, నాగ్, మహేష్, చరణ్.. ఎక్కడ, ఎందుకు కలిశారంటే?
ఇటీవల జరిగిన ప్రైవేట్ పార్టీకి తెలుగు సినీ ప్రముఖులు హాజరయ్యారు. చిరంజీవి, మహేష్ బాబు, నాగార్జున, రామ్ చరణ్, అఖిల్ అక్కినేనితో పాటు పలువురు నటీనటులు, వారి కుటుంబ సభ్యులు ఈ పార్టీలో సందడి చేశారు. ఇందుకు సంబంధించిన ఫొటోలు ప్రస్తుతం సోషల్ మీడియాలో వైరల్ అవుతున్నాయి.
తెలుగు సినిమా అగ్ర నటులు మాల్దీవులకు వెళ్లారు. అక్కడ అందరూ కలిసి పార్టీ చేసుకున్నారు. కుటుంబ సభ్యులతో కలిసి సంతోషకరమైన క్షణాలను ఆస్వాదించారు. ఈ పార్టీలో మెగాస్టార్ చిరంజీవి, ప్రిన్స్ మహేష్ బాబు , రామ్ చరణ్, నాగార్జున, అఖిల్ అక్కినేని తదితరులు పాల్గొన్నారు . అలాగే మహేష్ బాబు భార్య నమ్రతా శిరోద్కర్, రామ్ చరణ్ భార్య ఉపాసన కొణిదెల కూడా ఈ పార్టీలో సందడి చేశారు. టాలీవుడ్ స్టార్స్ అందరినీ ఒకే ఫ్రేమ్‌లో చూడడం పట్ల అభిమానులు హర్షం వ్యక్తం చేస్తున్నారు. ఈ స్టార్ ఆర్టిస్టులంతా తమ తమ సినిమా పనుల్లో బిజీ బిజీగా ఉన్నారు. కాబట్టి అందరూ కలిసేందుకు సమయం కేటాయించడం కష్టం. అందరినీ ఒకే చోటికి తీసుకురావాలి అంటే ఏదో ఒక ప్రత్యేక సందర్భం ఉండాలి. ఇంతకీ ఆ ప్రత్యేక సందర్భం ఏంటనుకుంటున్నారా? స్నేహితుడి పుట్టినరోజు వేడుక. అవును, ఈ స్టార్ ఆర్టిస్టులంతా ఓ ప్రముఖ వ్యాపారవేత్త పుట్టినరోజు వేడుక కోసం మాల్దీవులకు వెళ్లారు. ఈ పార్టీలో ప్రముఖ నటులు మెగాస్టార్ చిరంజీవి, నాగార్జున ప్రస్తుత ట్రెండ్‌కి తగ్గట్టు దుస్తులు ధరించి మెరిశారు. అందుకే ఈ ఫోటో వైరల్ అవుతోంది. ఇప్పుడు మహేష్ బాబు తన కొత్త సినిమా కోసం జుట్టు పొడవుగా పెంచుతున్నాడు. వైరల్‌గా మారిన ఈ ఫొటోల్లో మహేష్ లుక్ అందరినీ ఆకర్షిస్తోంది.
మహేష్ బాబు, రామ్ చరణ్ కుటుంబానికి షూటింగ్ నుంచి విరామం దొరికినప్పుడల్లా తమ కుటుంబ సభ్యులతో గడుపుతుంటారు. అలా మాల్దీవ్స్ పార్టీలో తమ ఫ్యామిలీస్ తో కలిసి కనిపించారీ స్టార్ హీరోస్. మాల్దీవుల పార్టీకి సంబంధించిన మరిన్ని ఫోటోలు బయటకు వస్తాయని అభిమానులు ఎదురుచూస్తున్నారు. కాగా రామ్ చరణ్ నటించిన ‘గేమ్ ఛేంజర్’ సినిమా విడుదల కోసం అభిమానులు ఎదురుచూస్తున్నారు. మరికొన్ని గంటల్లో ఈ టీజర్ రిలీజ్ కానుంది.
మాల్డీవుల్లో టాలీవుడ్ స్టార్స్.. ఫొటోలు ఇదిగో..
Pic 🔥@KChiruTweets @iamnagarjuna @urstrulyMahesh @AlwaysRamCharan @AkhilAkkineni8 pic.twitter.com/g0c5DvxX6u
— Megastar Chiranjeevi (@ChiruFanClub) November 7, 2024
Special and joyful memories of Tollywood stars in the Maldives!😍🫶#Chiranjeevi #Nagarjuna #MaheshBabu #RamCharan #AkhilAkkineni #TeluguFilmNagar pic.twitter.com/Fz1vTvBHXx
— Telugu FilmNagar (@telugufilmnagar) November 7, 2024
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .
