Actress Malavika: 14 ఏళ్ల తర్వాత రీ ఎంట్రీ ఇస్తోన్న ‘చాలా బాగుంది’ హీరోయిన్‌.. ఇప్పుడెలా ఉందో చూశారా?

దీవించండి, నవ్వుతూ బతకాలిరా, ప్రియనేస్తమా, అప్పారావ్ డ్రైవింగ్‌ స్కూల్‌ తదితర సినిమాలతో నటించి తెలుగు ఆడియెన్స్‌కు బాగా చేరువైంది. అలాగే తమిళ్‌, మలయాళ సినిమాల్లోనూ నటించి అక్కడి ప్రేక్షకుల మెప్పు పొందింది. అయితే 2009 తర్వాత ఉన్నట్లుండి మాళవిక సినిమా ఇండస్ట్రీకి దూరంగా ఉండిపోయింది. తెలుగులో ఆమె నటించిన ఆఖరి చిత్రం అప్పారావు డ్రైవింగ్ స్కూల్‌ 2004లో విడుదల కాగా..

Actress Malavika

Basha Shek |

Updated on: Nov 06, 2023 | 7:42 PM

దివంగత దర్శకుడు తెరకెక్కించిన సూపర్‌ హిట్ సినిమాల్లో చాలా బాగుంది ఒకటి. శ్రీకాంత్, వడ్డే నవీన్‌ హీరోలుగా నటించిన ఈ సినిమాతోనే టాలీవుడ్‌ ఇండస్ట్రీలోకి అడుగుపెట్టింది కన్నడ ముద్దుగుమ్మ మాళవిక. భర్త స్నేహితుడి చేతిలో అఘాయిత్యానికి గురికావడం, ఆపై ప్రతీకారం తీర్చుకునే గృహిణి పాత్రలో మాళవిక అభినయం అందరినీ ఆకట్టుకుంది. ఈ సినిమా సూపర్‌ హిట్ కావడంతో తెలుగు సినిమా ఇండస్ట్రీలో మాళవికకు అవకాశాలు వెల్లువెత్తాయి. దీవించండి, నవ్వుతూ బతకాలిరా, ప్రియనేస్తమా, అప్పారావ్ డ్రైవింగ్‌ స్కూల్‌ తదితర సినిమాలతో నటించి తెలుగు ఆడియెన్స్‌కు బాగా చేరువైంది. అలాగే తమిళ్‌, మలయాళ సినిమాల్లోనూ నటించి అక్కడి ప్రేక్షకుల మెప్పు పొందింది. అయితే 2009 తర్వాత ఉన్నట్లుండి మాళవిక సినిమా ఇండస్ట్రీకి దూరంగా ఉండిపోయింది. తెలుగులో ఆమె నటించిన ఆఖరి చిత్రం అప్పారావు డ్రైవింగ్ స్కూల్‌ 2004లో విడుదల కాగా, ఆఖరిగా 2009లో ఓ తమిళ సినిమాలో ఈ అందాల తార కనిపించింది. అయితే ఓ తెలుగు సినిమా షూటింగ్‌లో జరిగిన కొన్ని ఘటనల వల్ల మాళవిక ఇండస్ట్రీకి దూరమైందని అప్పట్లో వార్తలు వచ్చాయి.

సినిమా ఇండస్ట్రీకి దూరమైన మాళవిక 2007లో సురేశ్‌ మేనన్‌ అనే వ్యక్తిని వివాహం చేసుకుంది. ఆ మరుసటి ఏడాదే ఓ పండంటి బాబుకు జన్మనిచ్చింది. పెళ్లి తర్వాత పెద్దగా బయట కనిపించని మాళవిక ఆ మధ్యన అలీతో సరదాగా టీవీషోకు హాజరైంది. ప్రస్తుతం మాళవిక ముంబయిలోనే నివసిస్తోంది. ఆమె భర్త ముంబయిలో ఆర్కిటెక్టర్ ఇంటీరియర్ డిజైనర్‌గా పనిచేస్తున్నారట. కాగా సినిమాల్లో రీ ఎంట్రీ ఇచ్చేందుకు మాళవిక రెడీ అయ్యింది. ఇందులో భాగంగా గోల్‌మాల్‌ పేరుతో తమిళ్‌లో తెరకెక్కుతోన్న ఓ సినిమాలో స్పెషల్ రోల్‌ పోషిస్తోంది. .జై, జీవా హీరోలుగా నటిస్తోన్న ఈ సినిమా త్వరలోనే ప్రేక్షకుల ముందుకు రానుంది. తమిళ్‌లో సూపర్‌ అనే కార్యక్రమం ద్వారా బుల్లితెరలోకి ఎంట్రీ ఇచ్చింది. అలాగే విజయ్‌ టీవీలో ప్రసారమవుతున్న ‘ఊ సొల్రియా ఊ ఊ సొల్రియా’ అనే కార్యక్రమంలో ప్రత్యేక అతిథిగా పాల్గొంటోంది. ఇక సోషల్‌ మీడియాలోనూ ఫుల్‌ యాక్టివ్‌గా మారింది మాళవిక. తన లేటెస్ట్‌ ఫొటోలను, వీడియోలను ఇన్‌స్టాగ్రామ్‌లో షేర్‌ చేస్తోంది.

ఇవి కూడా చదవండి