Nandamuri Balakrishna: ”బింబిసార” దర్శకుడికి బంపర్ ఆఫర్ ఇచ్చిన బాలయ్య..
బాలయ్య రీసెంట్ డేస్లో ఫుల్ ఫాంలో ఉన్నారు. వరుసగా హిట్ల మీద హిట్లు కొడుతూ.. ఇండస్ట్రీలో హాట్ టాపిక్ అవుతున్నారు. యంగ్ హీరోలను మించి మంచి లైనప్‌ తో ఫ్యూచర్ సినిమాలను డిక్లేర్ కూడా చేస్తున్నారు.
బాలయ్య(Nandamuri Balakrishna) రీసెంట్ డేస్లో ఫుల్ ఫాంలో ఉన్నారు. వరుసగా హిట్ల మీద హిట్లు కొడుతూ.. ఇండస్ట్రీలో హాట్ టాపిక్ అవుతున్నారు. యంగ్ హీరోలను మించి మంచి లైనప్‌ తో ఫ్యూచర్ సినిమాలను డిక్లేర్ కూడా చేస్తున్నారు. ఇక ఇప్పటికే గోపీచంద్ మలినేని సినిమా NBK107తో ఫుల్ బిజీగా ఉన్న ఈ హీరో.. అప్పుడే అనిల్ రావిపూడి డైరెక్లో ఓ సినిమా చేసేందుకు ఓకే చెప్పారు. ఇక వరుస హిట్లతో జోరు మీదున్న అనిల్ రావిపూడి… రీసెంట్ గా చెప్పిన ఓ స్క్రిప్ట్ కు ఓకే చెప్పారు బాలయ్య. ఓకే చెప్పడమే కాదు.. గోపీచంద్ సినిమా కంప్లీట్ అవగానే.. ఆలస్యమనేదే లేకుండా.. ఈ సినిమా సెట్ లో అడుగుపెడతానని అన్నారట కూడా..! అయితే బాలయ్య మాటలకు తగ్గట్టే.. పూర్తి బౌండెడ్‌ స్క్రీప్ట్ ను రెడీ చేస్తున్నారు రావిపూడి.. ప్రీ ప్రొడక్షన్ వర్క్‌కు కావాల్సిన ఏర్పాట్లును కూడా దగ్గరుండి చూసుకుంటున్నారట.
ఇదిలా ఉంటే ఇటీవలే బాలయ్య నందమూరి కళ్యాణ్ రామ్ నటించిన బింబిసార సినిమాను ఫ్యామిలీతో కల్సి వీక్షించారు. ఫ్యామిలీ కోసం స్పెషల్ షో ఏర్పాటు చేశారు కళ్యాణ్ రామ్. ఈ సినిమా చూసిన తర్వాత బాలకృష్ణ చిత్రయూనిట్ ను అభినందించారు. సినిమా చాలా బాగుందని అన్నారు. అలాగే సినిమాలో భావితరాలకు కావల్సిన సందేశం ఉంది. అందరూ తప్పక చూడండి అంటూ.. తన ఫ్యాన్స్ ను కోరారు బాలయ్య. అంతేకాదు.. అబ్బాయి కళ్యాణ్ రామ్‌ను ఆశ్వీరదించారు.. డైరెక్టర్ వశిష్ఠ్‌ను అభినందించారు ఈ నందమూరి హీరో. అంతే కాదు తప్పకుండా కలిసి సినిమా చేద్దాం అంటూ దర్శకుడు వశిష్ఠకు ఛాన్స్ కూడా ఇచ్చారు బాలయ్య. బాలయ్య ఛాన్స్ ఇచ్చాడంటే మాటలు కాదు. మరి బాలయ్య కోసం వశిష్ఠ కథను సిద్ధం చేస్తాడేమో చూడాలి.
