DJ Tillu: డీజే టిల్లు రాధికా మారిపోయిందా.. నేహా ప్లేస్ను రీప్లేస్ చేసే బ్యూటీ ఆమేనా..?
టాలీవుడ్ లో కుర్ర హీరోలు దూసుకుపోతున్నారు. కొత్త కొత్త కథలతో సూపర్ హిట్స్ అందుకుంటున్నారు. అందుకు ఉదాహరణే డీజే టిల్లు. యంగ్ హీరో సిద్దు జొన్నలగడ్డ హీరోగా నటించిన ఈ సినిమా మంచి హిట్ గా నిలిచింది.
Updated on: Aug 13, 2022 | 8:43 PM
టాలీవుడ్ లో కుర్ర హీరోలు దూసుకుపోతున్నారు. కొత్త కొత్త కథలతో సూపర్ హిట్స్ అందుకుంటున్నారు. అందుకు ఉదాహరణే డీజే టిల్లు(DJ Tillu). యంగ్ హీరో సిద్దు జొన్నలగడ్డ హీరోగా నటించిన ఈ సినిమా మంచి హిట్ గా నిలిచింది. కంప్లీట్ కామెడీ ఎంటర్టైనర్ గా తెరకెక్కిన ఈ సినిమాను ప్రేక్షకులు విపరీతంగా ఆకట్టుకుంది. సిద్దు కామెడీ టైమింగ్, కథ సినిమాను మంచి హిట్ గా నిలిపాయి. ఇక ఇప్పుడు ఈ సినిమాకు సీక్వెల్ రానుందని తెలుస్తోంది. డీజే టిల్లు సినిమా హిట్ టాక్ తెచ్చుకున్న వెంటనే ఈ సినిమాకు సీక్వెల్ ఉంటుందని అనౌన్స్ చేశారు మేకర్స్. ఇక ఇప్పుడు సీక్వెల్ కోసం కసరత్తులు జరుగుతున్నాయి. ఇదిలా ఉంటే డీజే టిల్లు సినిమాలో మరో హైలైట్ గా నిలిచిన పాత్ర రాధికా. హీరో గర్ల్ ఫ్రెండ్ పాత్రలో నటించి మెప్పించింది అందాల భామ నేహశెట్టి. ఇప్పుడు సీక్వెల్ లో ఈ అమ్మడు ప్లేస్ రీప్లేస్ అవ్వనుందని తెలుస్తోంది.
నేహా శెట్టి ప్లేస్ లో ఓ క్రేజీ హీరోయిన్ ను అనుకుంటున్నారట మేకర్స్. రాధికా పాత్ర సీక్వెల్ లో మారనుందని తెలుస్తోంది. ఈ పాత్ర కోసం మలయాళ ముద్దుగుమ్మ అనుపమ పరమేశ్వరన్ ను సంప్రదిస్తున్నారట డీజే టిల్లు మేకర్స్. ఇప్పటికే ఈ అమ్మడిని సంప్రదించారని తెలుస్తోంది. హీరో తో పోటీగా అంతే ఇంపార్టెంట్ ఉన్న క్యారెక్టర్ కావడంతో అనుపమ కూడా ఓకే చెప్పారని టాక్. ఇప్పటికే తెలుగులో వరుస సినిమాలతో బిజీ బిజీగా ఉంది ఈ చిన్నది. తాజాగా అనుపమ నటించిన కార్తికేయ సినిమా ప్రేక్షకుల ముందుకు వచ్చింది. ఈ సినిమా మంచి విజయాన్ని అందుకుంది. త్వరలోనే 18 పేజెస్ సినిమాతో రానుంది అను. ఈ సినిమాలోనూ నిఖిల్ హీరోగా నటిస్తున్నాడు. ఇక డీజే టిల్లు సీక్వెల్ లో అనుపమ కన్ఫామ్ అయ్యిందా అన్నదాని పై క్లారిటీ రావాల్సి ఉంది.
