Jani Master: జైలు నుంచి బెయిల్‌పై బయటకు వచ్చిన జానీ మాస్టర్ ఇప్పుడేం చేస్తున్నాడో తెలుసా? ఫోటోస్ వైరల్
లైంగిక వేధింపుల కేసులో అరెస్ట్ అయిన ప్ర‌ముఖ టాలీవుడ్ కొరియోగ్రాఫర్ జానీ మాస్టర్ ప్ర‌స్తుతం బెయిల్ మీద బయట ఉన్నాడు. ఈ కేసులో రిమాండ్ ఖైదీగా 37 రోజులు జైలు జీవితం గ‌డిపిన జానీ మాస్ట‌ర్‌కు రంగారెడ్డి జిల్లా కోర్టు బెయిల్ మంజూరు చేసింది.
Updated on: Nov 15, 2024 | 9:20 PM
తన దగ్గర పని చేసే ఓ లేడీ కొరియోగ్రాఫర్ పై లైంగిక వేధింపులకు పాల్పడినట్లు అభియోగాలు ఎదుర్కొంటున్నాడు జానీ మాస్టర్. ఈ కేసులో అరెస్టైన అతను 37 రోజులు జైలు జీవితం కూడా గడిపాడు. ఆ తర్వాత రంగా రెడ్డి జిల్లా కోర్టు బెయిల్ మంజూరు చేయడంతో బయటకు వచ్చాడు. కాగా జైలు నుంచి విడుదలయ్యాక పెద్దగా బయట కనిపించడం లేదు జానీ మాస్టర్. ఎక్కువగా తన కుటుంబ సభ్యులతోనే సమయం గడుపుతున్నాడు. ఆ మధ్యన తన భార్య, పిల్లలతో కలిసి నెల్లూరుకు వెళ్లిపోయిన అతను అక్కడే దీపావళి పండగను సెలబ్రేట్ చేసుకున్నాడు. అయితే మ‌ళ్లీ తాను ఎప్పుడు జైలుకు వెళతానో తెలియదు కాబట్టి ఉన్న సమయంలోనే తన కుటుంబంతో జాలీగా గడిపేస్తున్నాడీ స్టార్ కొరియోగ్రాఫర్. ఈ క్ర‌మంలోనే తాజాగా జానీ మాస్టర్ తన ఫ్యామిలీతో కలిసి టూర్‌కి వెళ్లిన‌ట్లు తెలుస్తుంది. ఈ విష‌యాన్ని జానీ సోషల్ మీడియా వేదిక‌గా పంచుకున్నాడు. అందులో తన భార్య, పిల్లలతో కలిసి బీచ్ దగ్గర దిగిన ఫొటోలు షేర్ చేయగా, ప్ర‌స్తుతం అవి సోషల్ మీడియాలో వైర‌ల్‌గా మారాయి. వీటిని చూసిన అభిమానులు, నెటిజన్లు భిన్న రకాలుగా స్పందిస్తున్నారు.
అంతకు ముందు నెల్లూరులోని తన సొంతూరులో తన భార్య, పిల్లలతో కలిసి దీపావళి పండుగను ఘనంగా సెలబ్రేట్ చేసుకున్నాడు జానీ మాస్టర్. ఆ ఫొటోలను కూడా సోషల్ మీడియాలో షేర్ చేశాడు. ‘వాళ్ల కేరింతలే మన సంతోషం.. ఈ పండుగ నాడు మీరు వెలిగించే ప్రతి బాణాసంచాలాంటి చిరునవ్వులు, మిఠాయిల్లాంటి మధురమైన క్షణాలు మీ జీవితంలో ఉండాలని మనస్ఫూర్తిగా కోరుకుంటూ హ్యాపీ దీపావళి’ అని రాసుకొచ్చాడు.
భార్య, పిల్లలతో జానీ మాస్టర్..
After all we went through… Our fam deserves these relieved smiles ❤️✨ pic.twitter.com/HBQQGIx9BC
— Jani Master (@AlwaysJani) November 15, 2024
కాగా పోక్సో కేసులో ఆరోపణలు ఎదుర్కోవడంతో కమిటీ జానీ మాస్టర్ కు వచ్చిన జాతీయ అవార్డును సైతం నిలిపివేసింది అవార్డుల కమిటీ. దీనిని చాలామంది ప్రముఖులు తప్పుపట్టారు. అలాగే పుష్ప 2 సినిమాలోనూ కొరియోగ్రాఫర్ అవకాశం కోల్పోయాడు జానీ మాస్టర్. మొత్తానికి ఈ కేసుతో అటు పర్సనల్ ఇటు ప్రొఫెషనల్ లైఫ్ పరంగానూ ఇబ్బందుల్లో పడ్డాడీ స్టార్ కొరియోగ్రాఫర్.
భార్య, పిల్లలతో జానీ మాస్టర్ దీపావళి వేడుకలు.. ఫొటోస్ ఇదిగో..
వాళ్ళ కేరింతలే మన సంతోషం ❤️
ఈ పండుగ నాడు మీరు వెలిగించే ప్రతి బాణాసంచాలాంటి చిరునవ్వులు, మిఠాయిల్లాంటి మధురమైన క్షణాలు మీ జీవితంలో ఉండాలని మనస్ఫూర్తిగా కోరుకుంటూ హ్యాపీ దీపావళి. pic.twitter.com/3BXPwFSxsh
— Jani Master (@AlwaysJani) November 1, 2024
మరిన్ని సినిమా వార్తల కోసం ఇక్కడ క్లిక్ చేయండి..
