Ante Sundaraniki : సెన్సార్ కార్యక్రమాలు పూర్తి చేసుకున్న నాని మూవీ.. రన్ టైం ఎంతంటే..
నేచురల్ స్టార్ నాని హీరోగా తెరకెక్కుతున్న తాజా చిత్రం అంటే సుందరానికి.. వివేక్ ఆత్రేయ దర్శకత్వం వహిస్తున్న ఈ సినిమా త్వరలోనే ప్రేక్షకులను అలరించాడనికి రానుంది.
Updated on: Jun 04, 2022 | 4:48 PM
నేచురల్ స్టార్ నాని(Nani) హీరోగా తెరకెక్కుతున్న తాజా చిత్రం అంటే సుందరానికి(Ante Sundaraniki).. వివేక్ ఆత్రేయ దర్శకత్వం వహిస్తున్న ఈ సినిమా త్వరలోనే ప్రేక్షకులను అలరించాడనికి రానుంది. ఈ సినిమాలో నాని సరసన కేరళ కుట్టి నజ్రియా నజీమ్ నటిస్తుంది. ఈ సినిమాతో మొదటిసారి నజ్రియా తెలుగు ప్రేక్షకులను పలకరించనుంది. ఇటీవలే షూటింగ్ కంప్లీట్ చేసుకున్న ఈ సినిమా పోస్ట్ ప్రొడక్షన్ పనులు జరుపుకుంటుంది. విడుదల తేదీ దగ్గర పడుతుండటంతో చిత్రయూనిట్ ప్రమోషన్స్ స్పీడ్ పెంచింది. ఇప్పటికే విడుదలైన ఈ సినిమా పోస్టర్లు, పాటలు, టీజర్ సినిమా పై మంచి అంచనాలను క్రియేట్ చేశాయి. అదేవిధంగా రీసెంట్ గా వచ్చిన ఈ మూవీ ట్రైలర్ ఆ అంచనాలను తారాస్థాయికి తీసుకెళ్లింది. నాని తన మార్క్ నటనతో కామెడీ టైమింగ్ తో ఆకట్టుకోనున్నాడని ట్రైలర్ చూస్తుంటే అర్ధమవుతుంది.
తాజాగా ఈ సినిమా సెన్సార్ కార్యక్రమాలను పూర్తి చేసుకుంది.సెన్సార్ బోర్డు సభ్యులు ఈ చిత్రానికి క్లీన్ ‘యూ’ (U) సర్టిఫికేట్ ఇచ్చారు. దాంతో ఈ సినిమా అన్ని ఏజ్ గ్రూప్ వారు చూడొచ్చు. ఈ సినిమా మొత్తం రన్ టైం 2 గంటల 56 నిమిషాలు వచ్చినట్లు తెలుస్తోంది. సీనియర్ నరేష్ – రోహిణి – శ్రీకాంత్ అయ్యంగార్ – నదియా – హర్ష వర్ధన్ – రాహుల్ రామకృష్ణ – సుహాస్ – పృథ్వీరాజ్ తదితరులు ఇతర ముఖ్య పాత్రల్లో కనిపించనున్నారు. వివేక్ సాగర్ సంగీతం సమకూర్చిన ఈ మూవీ జూన్ 10న ప్రపంచ వ్యాప్తంగా థియేటర్లలోకి తీసుకురానున్నారు. అలాగే అంటే సుందరానికి సినిమాను తమిళ్ లో ‘అడాడే.. సుందరా’ – మలయాళంలో ‘ఆహా.. సుందరా’ అనే పేర్లతో ఈ సినిమా విడుదల కానుంది.
Let’s end this Avakai Season with full entertainment-uuuuuU…#AnteSundaraniki in Cinemas from JUNE 10 ?? #AnteSundaranikiOnJune10th
Natural Star @NameisNani #NazriyaFahadh #VivekAthreya @oddphysce @nikethbommi @saregamasouth pic.twitter.com/HkX99L8qgq
— Mythri Movie Makers (@MythriOfficial) June 4, 2022
