చందమామ అందం.. కుందనపు బొమ్మ మేనిఛాయ! గ్లామర్ రహస్యం చెప్పిన యంగ్ హీరోయిన్?

మాలీవుడ్​ నుంచి వచ్చి టాలీవుడ్ ప్రేక్షకులను కూడా తన క్యూట్ లుక్స్‌తో కట్టిపడేసిన నటి ఆమె. ఇటీవల ఒక సెన్సేషనల్ సినిమాలో తన అద్భుతమైన నటనతో అందరినీ ఆశ్చర్యపరిచింది. కేవలం నటన మాత్రమే కాదు, ఆమె సహజమైన సౌందర్యానికి కూడా సోషల్ మీడియాలో భారీగా ఫ్యాన్ ఫాలోయింగ్ ఉంది. ఖరీదైన మేకప్ కిట్లు, బ్యూటీ పార్లర్ ట్రీట్‌మెంట్లు లేకుండానే ఇంత అందంగా ఎలా మెరిసిపోతున్నారని నెటిజన్లు తరచుగా అడుగుతుంటారు. తాజాగా ఒక ఇంటర్వ్యూలో ఆ చిన్నది తన బ్యూటీ సీక్రెట్స్‌ను బయటపెట్టింది. ఆమె చెప్పిన ఆ సింపుల్ చిట్కాలు వింటే ఎవరైనా ఆశ్చర్యపోవాల్సిందే.

నేటి కాలంలో హీరోయిన్లు గ్లామర్ కోసం ప్లాస్టిక్ సర్జరీలు, కెమికల్ ట్రీట్‌మెంట్లు చేయించుకుంటుంటే, ఈ భామ మాత్రం పూర్తి సహజ సిద్ధమైన పద్ధతులను నమ్ముతుంది. ఆమె చర్మం ఆరోగ్యంగా ఉండటానికి ప్రధాన కారణం ఆమె పాటించే కఠినమైన నియమాలు. నీరు అధికంగా తాగడం వల్ల చర్మాన్ని లోపల నుండి తాజాగా ఉంటుంది. అందుకే ఆమె రోజూ కనీసం 3 నుండి 4 లీటర్ల నీటిని తాగుతుందట. షూటింగ్‌లతో ఎంత బిజీగా ఉన్నా, కనీసం 7 నుండి 8 గంటల నిద్ర ఉండేలా చూసుకుంటుందట. దీనివల్ల కళ్ల కింద నలుపు రాకుండా ఉంటుందని ఆమె చెబుతోంది. ముఖంపై చిన్న మొటిమలు లేదా మచ్చలు వస్తే ఆమె పార్లర్‌కు వెళ్లదట. దానికి బదులుగా మన వంటింట్లో దొరికే వస్తువులనే వాడుతుందట.

Anaswara Rajan

ప్రతిరోజూ రాత్రి పడుకునే ముందు కలబంద జెల్‌ను ముఖానికి రాసుకోవడం వల్ల చర్మం మృదువుగా మారుతుందని చెబుతోంది ఆ బ్యూటీ. చర్మంపై ఉన్న మృతకణాలను తొలగించడానికి శనగపిండి మరియు పసుపుతో చేసిన ఫేస్ ప్యాక్స్‌ను ఆమె రెగ్యులర్‌గా వాడుతుందట. తన సహజ సౌందర్యంతో కుర్రాళ్ల గుండెల్లో గుబులు రేపుతున్న ఆ మలయాళ కుట్టి మరెవరో కాదు.. అనస్వర రాజన్! ‘నేరు’ వంటి చిత్రాలతో తన నటనకు జాతీయ స్థాయిలో గుర్తింపు తెచ్చుకున్న ఈ బ్యూటీ, సౌందర్యం విషయంలో కృత్రిమ పద్ధతులకు తాను చాలా దూరమని స్పష్టం చేసింది. ముఖ్యంగా కేరళలో దొరికే స్వచ్ఛమైన కొబ్బరి నూనెను చర్మం, జుట్టు సంరక్షణకు వాడుతానని చెప్పుకొచ్చింది.

అనస్వర రాజన్ చెప్పిన ఈ చిట్కాలు చూస్తుంటే, అందంగా ఉండటానికి వేల రూపాయలు ఖర్చు చేయనవసరం లేదు, కొంచెం శ్రద్ధ మరియు ప్రకృతి సిద్ధమైన అలవాట్లు ఉంటే చాలని అర్థమవుతోంది. మరి ఇంకెందుకు ఆలస్యం, మీరు కూడా ఈ నేచురల్ బ్యూటీ సీక్రెట్స్‌ను ఫాలో అయిపోండి!