Pushpa 2: హమ్మయ్యా! పుష్ప 2 షూటింగ్కు గుమ్మడికాయ కొట్టేశారు.. ఇక ఆ రూమర్లకు చెక్ పడినట్టే
టాలీవుడ్ ఐకాన్ స్టార్ అల్లు అర్జున్ నటిస్తోన్న ది మోస్ట్ అవైటెడ్ మూవీ పుష్ప 2. ఇప్పటికే అన్ని హంగులు పూర్తి చేసుకున్న ఈ సినిమా డిసెంబర్ 05న వరల్డ్ వైడ్ గా రిలీజ్ కానుది. తాజాగా ఈ సినిమా షూటింగ్ పై కీలక అప్డేట్ ఇచ్చాడు బన్నీ.
Updated on: Nov 26, 2024 | 7:41 PM
అల్లు అర్జున్ నటించిన పుష్ప 2 సినిమా కోసం ప్రపంచ వ్యాప్తంగా ఉన్న అభిమానులందరూ వేయి కళ్లతో ఎదురు చూస్తున్నారు. అందుకు తగ్గట్టుగానే ఇప్పటికే అన్ని హంగులు పూర్తి చేసుకున్న ఈ సినిమా డిసెంబర్ 05న వరల్డ్ వైడ్ గా గ్రాండ్ గా రిలీజ్ రిలీజ్ కానుంది. అయితే పుష్ప 2 సినిమాపై నెట్టింట బోలెడు రూమర్లు వినిపిస్తున్నాయి. పుష్ప 2 సినిమా షూట్ ఇంకా చాలా ఉందని, ఒక పాట, నాలుగు రోజులు షూట్ బ్యాలెన్స్ ఉందని, డైరెక్టర్ సుకుమార్ ఈ పనుల్లోనే ఉన్నారని ప్రచారం జరుగుతోంది. ఈ కారణంగానే సుక్కూ ప్రమోషన్లలో పాల్గొనడం లేదని గుస గుసలు వినిపిస్తున్నాయి. అయితే ఒక్క ఒక పోస్టుతో ఈ రూమర్లకు పూర్తిగా చెక్ పెట్టేశాడు అల్లు అర్జున్. పుష్ప 2 షూటింగ్ కు గుమ్మడి కాయ కొట్టినట్లు సోషల్ మీడియా వేదికగా ప్రకటించాడు. ‘లాస్ట్ డే లాస్ట్ షాట్ ఆఫ్ పుష్ప. ఐదేళ్ల ఈ ప్రయాణం పూర్తయింది. వాట్ ఏ జర్నీ’ అని అల్లు అర్జున్ పోస్ట్ పెట్టగా అది కాస్తా వైరల్ గా మారింది. దీనిని చూసిన అభిమానులు తెగ సంబరపడిపోతున్నారు. ఇక రిలీజ్ డేట్ గురించి ఎలాంటి అపోహలు పెట్టుకోవాల్సిన అవసరం లేదంటున్నారు.
కాగ పుష్ప 2 ఫస్ట్ హాఫ్ ఎడిటింగ్ సహా అన్ని పనులు పూర్తయ్యాయని టాక్. మరో రెండు రోజుల్లో సెకండాఫ్ కూడా ఎడిటింగ్ పూర్తవుతుందని సమచారం. ఇదిలా ఉంటే పుష్ప 2 రన్ టైమ్ కూడా లాక్ అయిందని తెలుస్తోంది. ఈ సినిమా సుమారు 3 గంటల 21 నిమిషాల పాటు ఉండనుందని తెలుస్తోంది. త్వరలోనే దీనిపై ఒక అధికారిక ప్రకటన రానుంది.
అల్లు అర్జున్ పోస్ట్..
LAST DAY LAST SHOT OF PUSHPA . 5 years JOURNEY of PUSHPA completed . What a journey 🖤 pic.twitter.com/eQoRhcLFMQ
— Allu Arjun (@alluarjun) November 26, 2024
కాగా ‘పుష్ప’ సినిమా 2021 డిసెంబరు 17న రిలీజై సంచలనం సృష్టిచింది. దాదాపు మూడేళ్ల తర్వాత ‘పుష్ప 2’ విడుదల కానుంది. ఇప్పటికే ఈ క్రేజీ సీక్వెల్ కు రూ.1000 కోట్ల ప్రీ రిలీజ్ బిజినెస్ కూడా జరిగినట్లు టాక్.
రేపు కొచ్చిలో పుష్ప 2 ఈవెంట్..
#PushpaRulesKeralam ❤️🔥
Grand Event in Kochi on November 27th from 5 PM Onwards at Liwa Hall, Grand Hyatt, Kochi.
▶️ https://t.co/7XqnYORHit#Pushpa2TheRule#Pushpa2TheRuleOnDec5th
Icon Star @alluarjun @iamRashmika @aryasukku #FahadhFaasil @ThisIsDSP @resulp @SukumarWritings… pic.twitter.com/IyPPgC3DHi
— Pushpa (@PushpaMovie) November 26, 2024
.మరిన్ని సినిమా వార్తల కోసం ఇక్కడ క్లిక్ చేయండి.
