Allu Arjun Arrest: రేపు విడుదలకానున్న అల్లు అర్జున్.. రాత్రంతా జైల్లోనే

అల్లు అర్జున్ విడుదల ఆలస్యం అయ్యింది. రేపు ఉదయం 7 గంటలకు విడుదల కానున్న అల్లు అర్జున్. ఈ రాత్రంతా జైల్లోనే ఉండనున్నారు బన్నీ. మంజీరా బ్యారక్ లో ఉండనున్న అల్లు అర్జున్. సంధ్య థియేటర్ లో జరిగిన ఘటన నేపథ్యంలో అల్లు అర్జున్ ను ఏ 11గా చేర్చారు పోలీసులు. పుష్ప 2 సినిమా ప్రీమియర్స్ సందర్భంగా అల్లు అర్జున్ సంధ్య థియేటర్ కు వెళ్లారు. అల్లు అర్జున్ రావడంతో ఒక్కసారిగా అభిమానులు పోటెత్తారు. అభిమానుల తాకిడి ఎక్కువ కావడంతో తొక్కిసలాట జరిగింది. ఈ తొక్కిసలాటలో ఓ మహిళ మృతి చెందింది. అలాగే ఆమె కొడుకు చావుబ్రతుకుల మధ్య హాస్పటల్ లో ఉన్నాడు. దాంతో పోలీసులు థియేటర్ యాజమాన్యం, అలాగే అల్లు అర్జున్ పై కేసు నమోదు చేసింది. కాగా ఈ రోజు ( శుక్రవారం) అల్లు అర్జున్ ను పోలీసులు అరెస్ట్ చేశారు. ఉదయం అల్లు అర్జున్ ను తన ఇంటికి వెళ్లి అరెస్ట్ చేశారు పోలీసులు.

అనంతరం ఆయనను గాంధీ ఆసుపత్రికి తీసుకెళ్లి వైద్య పరీక్షలు నిర్వహించారు. ఆ తర్వాత నాంపల్లి కోర్టులో హాజరుపరిచారు. వాదనలు విన్న న్యాయస్థానం  అల్లు అర్జున్ కు 14 రోజులు రిమాండ్ విధించింది. అయితే అల్లు అర్జున్ తన పై నమోదైన కేసులపై క్వాష్ పిటీషన్ ను వేశారు. కాగా ఈరోజు అల్లు అర్జున్ క్వాష్ పిటీషన్ ను విచారించిన హైకోర్టు క్వాష్ పిటీషన్ ను తిరస్కరించింది.

దాంతో అల్లు అర్జున్ ను చంచల్ గూడ జైలుకు తరలించారు పోలీసులు. కాగా అల్లు అర్జున్ కు మధ్యంతర బెయిల్ కోరుతూ అల్లు అర్జున్ తరపు న్యాయవాది కోర్టును కోరాడు. దాంతో అల్లు అర్జున్ కు మధ్యంతర బెయిల్ ను హైకోర్టు మంజూరు చేసింది. అలాగే అల్లు అర్జున్ ను వెంటనే విడుదల చేయాలని పోలీసులను ఆదేశించింది హైకోర్టు. వ్యక్తి గత పూచికతతో బెయిల్ మంజూరు చేసింది హైకోర్టు.. జైలు సూపర్ డెంట్ కు షూరిటీ లు సమర్పించాలని హైకోర్టు ఆదేశించింది. అరుణబ్ గోస్వామి తీర్పు ఆధారంగా … అల్లు అల్లు అర్జున్ కు మధ్యంతర బెయిల్ మంజూరు చేసింది న్యాయస్థానం. ఈరోజే అల్లు అర్జున్ విడుదల అవుతాడని అనుకున్నారు కానీ. ప్రొసీజర్ ఆలస్యం అవ్వడంతో రేపు ఉదయం 7 గంటలకు అల్లు అర్జున్ ను విడుదల చేయనున్నారు.