Pushpa: మరోసారి మెస్మరైజ్ చేసిన సిధ్ శ్రీరామ్.. పుష్ప సెకండ్ సింగిల్ శ్రీవల్లి సాంగ్ ప్రోమో అదుర్స్..

ఐకాన్ స్టార్ అల్లు అర్జున్, రష్మిక మందన్నా జంటగా సుకుమార్ దర్శకత్వంలో రూపొందుతున్న చిత్రం పుష్ప. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ మూవీలో అల్లు అర్జున్ పుష్పరాజ్ పాత్రలో నటిస్తుండగా.. రష్మిక… శ్రీవల్లి పాత్రలో నటిస్తుంది. పాన్ ఇండియా లెవల్లో ఈ చిత్రాన్ని రెండుభాగాలుగా తెరకెక్కిస్తున్నారు. ఇక చాలా కాలం తర్వాత సుకుమార్, బన్నీ కాంబోలో వస్తున్న ఈ మూవీ గురించి అభిమానులు ఎంతో ఆసక్తిగా ఎదురుచూస్తున్నారు. ప్రముఖ నిర్మాణ సంస్థ మైత్రి మూవీ మేకర్స్ బ్యానర్ పై భారీ బడ్జెట్‏తో నిర్మిస్తుండగా.. దేవి శ్రీ ప్రసాద్ సంగీతం అందిస్తున్నారు. ఇప్పటికే ఈ మూవీ నుంచి విడుదలైన పోస్టర్స్, దాక్కో దాక్కో మేక పాటకు రెస్పాన్స్ భారీగానే వచ్చింది. విడుదలైన గంటల్లోనే దాక్కో దాక్కో మేక సాంగ్ యూట్యూబ్‏లో రికార్డ్స్ సృష్టించింది. ఈ పాటను దాదాపు ఐదు భాషలలో విడుదల చేశారు మేకర్స్.

ఇదిలా ఉంటే.. తాజాగా పుష్ప మూవీ నుంచి సెకండ్ సింగిల్ సాంగ్‏ ప్రోమోను విడుదల చేశారు. చూపే బంగారమయనే శ్రీవల్లి… మాటే మాణిక్యామయనే.. అంటూ సాగే ఈ పాట ప్రేక్షకులను ఆకట్టుకుంటుంది. ఈ పాటను సిధ్ శ్రీరామ్ ఆలపించగా.. చంద్రబోస్ రచించారు… ఈ సాంగ్ మొత్తాన్ని రేపు ఉదయం 11 గంటలకు విడుదల చేయనున్నారు. ఇక ప్రోమో చూస్తుంటే.. మరోసారి సిధ్ శ్రీరామ్ తన గానంతో ప్రేక్షకులను ఫిదా చేయబోతున్నట్లుగా అర్థమవుతుంది. ఇక ఇందులో ప్రతినాయకుడి పాత్రలో మళయాలం నటుడు ఫహద్ ఫాసిల్ నటిస్తున్నాడు. ఈ సినిమాను క్రిస్మస్ కానుకగా విడుదల చేయనున్నట్లుగా ఇప్పటికే చిత్రయూనిట్ ప్రకటించింది.

సాంగ్..

Also Read: Shah Rukh Khan: షారుఖ్ ఖాన్‌కు సన్ స్ట్రోక్.. అరెస్టు కంటే ఆ కారణంతో నిద్రలేని రాత్రులు గడుపుతున్న బాలీవుడ్ బాద్షా..

MAA Elections 2021: సిని “మా” రెండుగా చీలిపోతుందా.. ? వరుస రాజీనామాలు అసలు దేనికి సంకేతం..

Mahesh Koneru: టాలీవుడ్ చిత్రపరిశ్రమలో విషాదం.. గుండెపోటుతో ప్రముఖ నిర్మాత మహేష్ కోనేరు మృతి..