Nagarjuna- Mahesh: మన్మథుడు, మహేశ్ల కాంబోలో భారీ మల్టీస్టారర్ మూవీ! సోషల్ మీడియాలో ఆసక్తికర చర్చ
వెంకటేశ్తో కలిసి మహేశ్ సీతమ్మ వాకిట్లో సిరిమల్లె చెట్టు సినిమాలో సందడి చేశారు. అదేవిధంగా న్యాచురల్ స్టార్ నానితో కలిసి దేవదాసు మూవీలో నటించారు నాగ్. అలాంటిది వీరిద్దరూ కలిసి ఒకే ఫ్రేములో కనిపిస్తే అభిమానులకు కనుల విందే అని చెప్పువచ్చు.
Updated on: Aug 26, 2022 | 6:42 AM
టాలీవుడ్ మన్మథుడు అక్కినేని నాగార్జున (Akkineni Nagarjuna), సూపర్ స్టార్ మహేశ్బాబు (Mahesh Babu) కలిసి నటించనున్నారా? వీరిద్దరి కాంబినేషన్లో ఓ భారీ మల్టీస్టారర్ మూవీ తెరకెక్కనుందా? గురువారం సోషల్ మీడియాలో ఈ విషయంపైనే చర్చ జరిగింది. వివరాల్లోకి వెళితే నాగార్జున హీరోగా ప్రవీణ్ సత్తారు దర్శకత్వంలో తెరకెక్కిన చిత్రం ది ఘోస్ట్ (The Ghost). తాజాగా ఈ సినిమా ట్రైలర్ని ట్విట్టర్ వేదికగా విడుదల చేశారు మహేశ్. సినిమా పెద్ద హిట్ కావాలంటూ చిత్ర బృందానికి శుభాకాంక్షలు తెలిపారు. దీనికి ప్రతిస్పందనగా సూపర్స్టార్కు ధన్యవాదాలు తెలిపారు నాగ్. దీంతో పాటు ఓ ఆసక్తికర కామెంట్ పెట్టారు. ‘హే.. మహేశ్.. 29 ఏళ్ల క్రితం వారసుడు సినిమాలో నాతో కలిసి మీ నాన్న సూపర్స్టార్ కృష్ణగారు కలిసి నటించినప్పుడు ఎంతో సంతోషించాను. మనం కలిసి ఎందుకు సినిమా చేయకూడదు’ అంటూ మహేశ్ని అడిగారు. నాగ్ ట్వీట్పై మహేశ్ కూడా స్పందించారు. అది ఆసక్తిగా ఎదురుచూడాల్సిన విషయమంటూ మల్టీస్టారర్లో నటించేందుకు సుముఖత వ్యక్తం చేశారు.
ఇలా వీరిద్దరి మధ్య జరిగిన సంభాషణ సోషల్ మీడియాలో వైరల్గా మారింది. ‘వీరిద్దరు ఏదో ప్లాన్ చేస్తున్నారు’, ‘మీ కాంబినేషన్ కోసం ఆసక్తిగా ఎదురుచూస్తున్నాం’ అంటూ ఇద్దరు హీరోల ఫ్యాన్స్తో పాటు నెటిజన్లు కామెంట్ల వర్షం కురిపిస్తున్నారు. కాగా నాగ్, మహేశ్లు ఇద్దరు ఇప్పటికే మల్టీస్టారర్ సినిమాల్లో నటించారు. వెంకటేశ్తో కలిసి మహేశ్ సీతమ్మ వాకిట్లో సిరిమల్లె చెట్టు సినిమాలో సందడి చేశారు. అదేవిధంగా న్యాచురల్ స్టార్ నానితో కలిసి దేవదాసులో నటించారు నాగ్. అలాంటిది వీరిద్దరూ కలిసి ఒకే ఫ్రేములో కనిపిస్తే అభిమానులకు కనుల విందే అని చెప్పువచ్చు.
Hey @urstrulyMahesh !! I was so happy 29 years ago when your father SuperStar Krishna Garu joined me for the film Varasudu !! Why don’t we complete the circle ?
Thank you for releasing #TheGhostTrailer ?? https://t.co/cbgu8vtpH1
— Nagarjuna Akkineni (@iamnagarjuna) August 25, 2022
మరిన్ని సినిమా వార్తల కోసం క్లిక్ చేయండి..
