Balakrishna: బాలయ్యకు కూతురుగా క్రేజీ హీరోయిన్.. అనిల్ రావిపూడి సినిమాలో ఆ భామ..

రీసెంట్ గా వచ్చిన అఖండ సినిమాతో మరోసారి తన స్టామినా ఏంటో నిరూపించారు నందమూరి బాలకృష్ణ . బోయపాటి శ్రీను దర్శకత్వంలో వచ్చిన అఖండ సినిమా ఇండస్ట్రీ హిట్ గా నిలించింది విషయం తెలిసిందే.

Balakrishna

Rajeev Rayala |
Updated on: Feb 15, 2022 | 4:59 PM

Balakrishna: రీసెంట్ గా వచ్చిన అఖండ సినిమాతో మరోసారి తన స్టామినా ఏంటో నిరూపించారు నందమూరి బాలకృష్ణ . బోయపాటి శ్రీను దర్శకత్వంలో వచ్చిన అఖండ సినిమా ఇండస్ట్రీ హిట్ గా నిలించింది విషయం తెలిసిందే. గతంలో ఈ ఇద్దరి కాంబోలో సింహ, లెజెండ్ లాంటి బ్లాక్ బస్టర్ హిట్స్ వచ్చాయి. ఇప్పుడు అఖండ సినిమాతో బ్లాక్ బస్టర్ హిట్ ను అందుకున్నారు బాలయ్య – బోయపాటి . ఇక ఈ సినిమా తర్వాత గోపీచంద్ మలినేని దర్శకత్వంలో సినిమా చేస్తున్న విషయం తెలిసిందే. క్రాక్ సినిమాతో హిట్ అందుకున్న గోపీచంద్ ఇప్పుడు బాలకృష్ణ కోసం అదిరిపోయే కథను సిద్ధం చేశారు. ఇక ఏ ఈసినిమా షూటింగ్ ఇటీవలే పూజాకార్యక్రమాలతో మొదలైంది. ఈ మూవీలో బాలయ్య సరసన శృతిహాసన్ హీరోయిన్ గా కనిపించనుంది. అలాగే వరలక్ష్మీ శరత్ కుమార్ కీలక పాత్రలో కనిపించనున్నారు. ఈ సినిమా తర్వాత సక్సెస్ ఫుల్ దర్శకుడు అనిల్ రావిపూడితో బాలయ్య సినిమా చేయనున్నారు.

బాలయ్యతో సినిమా చేయాలని ఎప్పటినుంచో అనిల్ రావిపూడి ప్రయత్నిస్తున్నారు త్వరలోనే ఈ సినిమాగురించి అధికారిక ప్రకటన వచ్చే అవకాశం ఉంది. ఇదిలా ఉంటే ఇప్పుడు ఈ సినిమాకు సంబంధించిన ఓ వార్త ఇప్పుడు ఫిలిం సర్కిల్స్ లో తెగ చక్కర్లు కొడుతుంది. అదేంటంటే.. ఈ సినిమా బాలకృష్ణ కు కు కూతురు పాత్ర కూడా ఉంటుందట. సుమారు 20ఏళ్ళ వయసున్న కూతురు పాత్ర కోసం ఓ కుర్ర హీరోయిన్ ను సంప్రదిస్తున్నారట. ఆ అమ్మడు ఎవరంటే.. రాఘవేంద్ర రావు దర్శకత్వ పర్యవేక్షణలో తెరకెక్కిన పెళ్ళిసందడి సినిమాతో హీరోయిన్‌గా పరిచయం అయిన శ్రీలీల. ప్రస్తుతం ఈ ముద్దుగుమ్మ తెలుగులో వరుస ఆఫర్లు అందుకుంటుంది. అయితే హీరోయిన్‌గా రాణిస్తున్న శ్రీలీల బాలయ్యకు కూతురు పాత్ర అనగానే వెంటనే ఓకే చెప్పిందని టాక్. ఇక ఈ విషయం పై అధికారికంగా క్లారిటీ రావాల్సి ఉంది. Sri Leela