Sai Pallavi Birthday: ఆమె ఆడితే నెమలి నాట్యం చేస్తున్నట్లుగా ఉంటుంది.. వెండితెరపై చూపు తిప్పుకోనివ్వని అందాల మకరందం..

దక్షిణాది క్వీన్ గా గుర్తింపు తెచ్చుకున్న సాయి పల్లవి.. ఈరోజు తన 30వ పుట్టినరోజు జరుపుకుంటున్నారు.

Sai Pallavi

Rajitha Chanti |
Updated on: May 09, 2022 | 1:14 PM

పురివిప్పిన నెమలి నాట్యం చేస్తున్నట్లుగా తన నృత్యంతోనే ఎంతో మంది అభిమానులను సొంతం చేసుకుంది హీరోయిన్ సాయి పల్లవి. గ్లామర్ షోలకు దూరంగా ఉంటూ.. సహజమైన నటనతో.. అచ్చమైన తెలుగింటి ఆడపిల్లగా తెలుగు ప్రేక్షకుల మనసులలో తనకంటూ ప్రత్యేక స్థానాన్ని సంపాదించుకుంది ఈ న్యాచురల్ బ్యూటీ. సినిమాల్లో కేవలం ఓ హీరోయిన్‏గా మాత్రమే కాకుండా.. తన పాత్రకు ప్రాధాన్యత ఉండే కథలను ఎంచకుంటూ ఎన్నో విజయాలను అందుకుంది సాయి పల్లవి. అందం, అభినయంతో హీరోకు ఏమాత్రం తీసిపోని క్రేజ్ సొంతం చేసుకున్న ఈ బ్యూటీ కాల్షిట్ల కోసం బడా డైరెక్టర్స్.. ప్రొడ్యూసర్స్ వెయిట్ చేస్తుంటారు. దక్షిణాది క్వీన్ గా గుర్తింపు తెచ్చుకున్న సాయి పల్లవి.. ఈరోజు తన 30వ పుట్టినరోజు జరుపుకుంటున్నారు. ఈ సంద్భరంగా సాయి పల్లవికి సోషల్ మీడియాలో అభిమానులు, సినీ ప్రముఖులు శుభాకాంక్షలు తెలుపుతున్నారు.

తెరపై అందంగా కనిపించాలంటే మేకప్ మాత్రమే ముఖ్యం కాదని.. సహజంగా కనిపిస్తూనే తన నటనతో వేలాది మంది అభిమానులను సొంతం చేసుకొని అగ్రకథానాయికగా దూసుకుపోతుంది. సాయి పల్లవి పూర్తి పేరు.. సాయి పల్లవి సెంతామరై. తమిళనాడులోని నీలగిరి జిల్లా కోటగిరిలోని.. సెంతమరై కన్నన్, రాధ దంపతులకు జన్మించింది. సాయి పల్లవికి చిన్నప్పటి నుంచి డ్యాన్స్ అంటే ఇష్టం. ఎక్కడా శిక్షణ తీసుకోకుండానే తనకు నచ్చిన మ్యూజిక్ వింటూ అందుకు అనుగుణంగా కాళ్లు కదిపేది.. ఆ బాణీలకు తనదైన స్టైల్లో స్టెప్పులేసేది. జార్జియాలోని టిబిలిసి మెడికల్ యూనివర్సిటీలో డాక్టర్ కోర్సు పూర్తిచేసింది. సాయి పల్లవి నటి కావాలని అనుకోలేదు.. ఆమెకు డ్యాన్స్ మీదున్న మక్కువతో 2009లో ఓ ప్రముఖ ఛానెల్లో నిర్వహించిన డ్యాన్స్ షోలో పాల్గోని ఫైనలిస్ట్ గా నిలిచింది. ఆ తర్వాత 2008లో జయం రవి హీరోగా తెరకెక్కిన ధామ్ ధామ్ సినిమాలో నటించింది. 2014లో మలయాళ చిత్రం ప్రేమమ్‏లో హీరోయిన్‏గా నటించి మెప్పించింది. ఈ సినిమాతో సాయి పల్లవి మంచి గుర్తింపు వచ్చింది. ఆ తర్వాత టాలీవుడ్ డైరెక్టర్ శేఖర్ కమ్ముల తెరకెక్కించిన ఫిదా సినిమాతో తెలుగు తెరకు పరిచయమైంది ఈ ముద్దుగుమ్మ. ఈ మూవీలో భానుమతి పాత్రలో ఒదిగిపోయింది సాయి పల్లవి.. ఆమె నటనకు తెలుగు ప్రేక్షకులు ఫిదా అయ్యారు. మొదటి సినిమాతోనే వేలాది మంది అభిమానులను సొంతం చేసుకుంది ఈ న్యాచురల్ బ్యూటీ..

ఫిదా సినిమా తర్వాత.. సాయి పల్లవి నాని సరసన మిడిల్ క్లాస్ అబ్బాయి, కణం, పడి పడి లేచె మనసు, మారి 2 వంటి చిత్రాల్లో నటించి మెప్పించింది. ఇటీవల శేఖర్ కమ్ముల , నాగ చైతన్య కాంబోలో వచ్చిన సూపర్ హిట్ మూవీ లవ్ స్టోరీ చిత్రంలో నటించింది. అలాగే న్యాచురల్ స్టార్ హీరో నాని నటించి శ్యామ్ సింగరాయ్ సినిమాలో దేవదాసి పాత్రలో కనిపించి మెప్పించింది. అలాగే రానా దగ్గుబాటి సరసన నటించిన విరాట పర్వం జూలై 1న ప్రేక్షకుల ముందుకు రాబోతుంది. సాయి పల్లవి మేకప్ లేకుండానే సినిమాల్లో నటిస్తూ మెప్పిస్తుంది. అంతేకాదు.. ఫెయిర్‏నెస్ క్రీమ్ ప్రచారాన్ని చేయడానికి ఆమెకు రూ.2 కోట్ల ఆఫర్ వచ్చింది. అయితే తనకు అసత్య ప్రచారాలను చేయడం ఇష్టం లేదని కోట్ల ఆఫర్‏ను రిజెక్ట్ చేసింది.

ఇవి కూడా చదవండి