ప్రొడ్యూసర్ అవతారమెత్తిన కాజల్..

సినిమా రంగంలో అవకాశాలు అందిపుచ్చుకోవడంలో కాజల్ ముందుంటుందనే చెప్పాలి. అలాగే.. ఇండస్ట్రీలో ఎవరితో ఎలా మెలగాలో కూడా తనకు తెలిసినంతగా మరెవ్వరికీ తెలియదంటే అతిశయోక్తి కాదు. అందం, అభినయంతో అందరి దృష్టిని తనవైపుకు మరల్చుకుంటుంది. ఇప్పటివరకూ దాదాపు 50కి పైగా సినిమాలు పూర్తి చేసుకున్న కాజల్‌కి బోర్ కొట్టిందో ఏమో కానీ.. ప్రస్తుతం ఈ అమ్మడు ప్రొడ్యుసర్ అవతారమెత్తింది.

ప్రస్తుతం కాజల్ ‘సీత’ సినిమాతో బిజీగా ఉంది. ఈ సినిమా మే 24న ప్రేక్షకుల ముందుకు రాబోతోంది. అయితే.. కాజల్ వద్ద పనిచేస్తోన్న మేనేజర్ నిర్మాతగా మారి ‘మనుచిత్ర’ అనే సినిమా తీస్తుండగా.. దానికి ఆమె సమర్పకురాలిగా పనిచేస్తోంది. రాజ్ కందుకూరి కొడుకు శివ కందుకూరి హీరో. మెగా ఆకాష్ హీరోయిన్. ఈరోజే ఈ సినిమా లాంఛనంగా ప్రారంభమైంది.