Vishwak Sen: ‘అర్జున్తో వివాదం.. డబ్బులు చెల్లించారా ?’.. రిపోర్టర్ ప్రశ్నకు విశ్వక్ సేన్ రియాక్షన్ ఏంటంటే..
అర్జున్ సర్జాతో నెలకొన్న వివాదం పై స్పందించమని విలేకరి కోరగా.. ఆయన మాట్లాడేందుకు ఆసక్తి చూపలేదు. ఆ విషయం గురించి తాను మాట్లాడాలనుకోవడం లేదని సమాధానమిచ్చారు.
Updated on: Mar 18, 2023 | 9:26 PM
మాస్ కా దాస్ విశ్వక్ సేన్ స్వీయ దర్శకత్వంలో తెరకెక్కిన లేటేస్ట్ చిత్రం దాస్ కా ధమ్కీ. అన్ని కార్యక్రమాలు పూర్తి చేసుకున్న ఈ సినిమా త్వరలోనే ప్రేక్షకుల ముందుకు రానుంది. ఈ క్రమంలో చిత్రప్రమోషన్స్ వేగంగా జరుపుతున్నారు. శుక్రవారం సాయంత్రం ఈ మూవీ ప్రీ రిలీజ్ ఈవెంట్ ఘనంగా నిర్వహించిన సంగతి తెలిసిందే. ఈ వేడుకకు యంగ్ టైగర్ ఎన్టీఆర్ ముఖ్య అతిథిగా విచ్చేశారు. ఇక ఈ సినిమా ప్రమోషన్స్ లో భాగంగా విశ్వక్ ఓ ఛానెల్కు ఇచ్చిన ఇంటర్వ్యూలో అర్జున్ వివాదం గురించి ప్రశ్న ఎదురైంది. అర్జున్ సర్జాతో నెలకొన్న వివాదం పై స్పందించమని విలేకరి కోరగా.. ఆయన మాట్లాడేందుకు ఆసక్తి చూపలేదు. ఆ విషయం గురించి తాను మాట్లాడాలనుకోవడం లేదని సమాధానమిచ్చారు.
అర్జున్ సర్జాతో కాంట్రవర్సీ తర్వాత మీరు పెద్ద మొత్తంలో ఆయనకు డబ్బులు చెల్లించారని విన్నాను. ఆ విషయంలో మీరెంతో బాధపడ్డారని అప్పట్లో వార్తలు వచ్చాయి. అది ఎంతవరకూ నిజం ?.. అని విలేకరి ప్రశ్నించగా.. బదులిచ్చేందుకు విశ్వక్ ఆసక్తి చూపించలేదు. దాని గురించి ఇప్పుడు మాట్లాడాలనుకోవడం లేదు. ఎందుకంటే ఆ విషయానికి.. ఈసినిమాకు ఎలాంటి సంబంధం లేదు. ఎంతోమందిపై ఉన్న గౌరవంతో నేను దాని గురించి మాట్లాడాలనుకోవడం లేదు అంటూ సమాధానమిచ్చారు.
అలాగే ధమ్కీ సినిమాకు దర్శకుడిని మార్చడం పై కూడా విశ్వక్ స్పందించారు. డైరెక్టర్ నరేష్ కొప్పిలి తాను కలిసి పాగల్ సినిమా చేశామని.. ఆ తర్వాత దాస్ కా ధమ్కీ అనుకున్నప్పుడు ఈ సినిమాకు అతడైతే సరిగ్గా న్యాయం చేయగలడనుకున్నాను. అందుకే ఈ సినిమాకు ముందుగా ఆయనను దర్శకుడిగా అనుకున్నాం. కానీ కథ గురించి చర్చించుకున్నప్పుడు.. అతడి ఆలోచన విధానానికి.. నేను అనుకున్న స్టోరీకి పొంతన కుదరలేదు. దీంతో నేనే దర్శకుడిగా మారాను. మా మధ్య ఎలాంటి గొడవలు.. వాదనలు జరగలేదు అంటూ చెప్పుకొచ్చారు.
మరిన్ని సినిమా వార్తల కోసం ఇక్కడ క్లిక్ చేయండి.
