Actor Abbas: అబ్బాస్ కొడుకును ఎప్పుడైనా చూశారా.. ? హీరోలాగే ఉన్నాడు.. ఫోటోస్ వైరల్..

హీరో అబ్బాస్. 1996లో ప్రేమదేశం సినిమాతో సినీరంగంలోకి అడుగుపెట్టాడు. ఈ చిత్రాన్ని తమిళంలో కాదల్ దేశం పేరుతో రిలీజ్ చేశారు. ఈ సినిమా బ్లాక్ బస్టర్ హిట్ కావడంతో హీరోగా అబ్బాస్ పేరు మారుమోగింది. దీంతో అతడికి వరుస ఆఫర్స్ క్యూ కట్టాయి. కానీ కథల ఎంపికలో చేసిన పొరపాట్లు అతడిని నెమ్మదిగా స్టార్ డమ్ నుంచి దూరం చేశాయి.

Abbas

Rajitha Chanti |
Updated on: Apr 26, 2024 | 8:31 AM

సౌత్ ఇండస్ట్రీలో ఒకప్పుడు ట్రెండ్ సెట్టర్. యూత్ అంతా ఆ హీరోను తెగ ఫాలో అయ్యేవారు. ముఖ్యంగా అమ్మాయిల ఫ్యాన్ ఫాలోయింగ్ ఎక్కువగా ఉండేది. అప్పట్లో అతడి స్టైల్‏కు అభిమానులు ఎక్కువే. అలాగే దక్షిణాదిలో చాక్లెట్ బాయ్ అంటూ పిలుచుకునేవారు. అతడే హీరో అబ్బాస్. 1996లో ప్రేమదేశం సినిమాతో సినీరంగంలోకి అడుగుపెట్టాడు. ఈ చిత్రాన్ని తమిళంలో కాదల్ దేశం పేరుతో రిలీజ్ చేశారు. ఈ సినిమా బ్లాక్ బస్టర్ హిట్ కావడంతో హీరోగా అబ్బాస్ పేరు మారుమోగింది. దీంతో అతడికి వరుస ఆఫర్స్ క్యూ కట్టాయి. కానీ కథల ఎంపికలో చేసిన పొరపాట్లు అతడిని నెమ్మదిగా స్టార్ డమ్ నుంచి దూరం చేశాయి. చిన్నప్పటి నుంచి హిందీ, బెంగాలీ సినిమాలు పెరిగిన అబ్బాస్ కు నటనపై ఆసక్తి ఏర్పడింది. కాలేజీ రోజుల్లోనే మోడలింగ్ రంగంలోకి అడుగుపెట్టాడు. ఆ తర్వాత ప్రేమదేశం సినిమాతో హీరోగా మారి.. తెలుగు, తమిళం, మలయాళం, హిందీ వంటి భాషల్లో దాదాపు 100 పైగా సినిమాల్లో నటించి మెప్పించారు.

ప్రేమదేశం తర్వాత కొన్నాళ్లకు అబ్బా్స్ నటించిన చిత్రాలు బాక్సాఫీస్ వద్ద డిజాస్టర్ అయ్యాయి. దీంతో నెమ్మదిగా అవకాశాలు తగ్గిపోవడంతో మానసిక ఒత్తిడికి గురయ్యాడు. ఆ తర్వాత ఫ్యామిలీతో కలిసి న్యూయార్క్ వెళ్లిన అబ్బా్స్ అక్కడ ట్యా్క్సీ డ్రైవర్ గా.. పెట్రోల్ బంకుల్లో వర్క్ చేశాడు. తర్వాత సాఫ్ట్ వేర్ ఉద్యోగం సంపాదించాడు. ఇప్పుడు మోటివేషనల్ స్పీకర్ గానూ పనిచేస్తున్నారు. అబ్బాస్ ఫ్యాషన్ డిజైనర్ ఎరామ్ అలీని 2001లో పెళ్లి చేసుకున్నారు. వీరికి పాప ఎమిరా, బాబు ఐమాన్ అనే ఇద్దరు పిల్లలు ఉన్నారు.

Abbas Family

తాజాగా అబ్బాస్ ఫ్యామిలీ ఫోటో సోషల్ మీడియాలో వైరలవుతుంది. అందులో అబ్బాస్ కొడుకు అచ్చం హీరోలా కనిపిస్తున్నాడు. గతంలో ఓ ఇంటర్వ్యూలో పాల్గొన్న అబ్బాస్ తన కుమారుడి గురించి ఆసక్తికర విషయాలను పంచుకున్నాడు. చిన్నప్పుడు తాను ఎంతో సైలెంట్ గా ఉండేవాడినని.. కానీ తన కొడుకు మాత్రం అలా కాదని.. తాను ఎంతో మెచ్యూర్డ్ ఆలోచనలు కలిగిన వ్యక్తి అని అన్నారు. అబ్బాస్ కుమారుడు, కూతురు సోషల్ మీడియాలో దూరంగానే ఉంటారు.