Ram Charan: రోడ్డు పై అందరూ చూస్తుండగా ట్రాఫిక్ పోలీస్‌ను ఆటపట్టించిన రామ్ చరణ్..
మెగాపవర్ స్టార్ రామ్ చరణ్ సినిమా కోసం ఇప్పుడు దేశం మొత్తం ఎదురుచూస్తోంది. ఆర్ఆర్ఆర్ సినిమాతో పాన్ ఇండియా స్టార్ అయిపోయాడు చరణ్.
Updated on: Sep 09, 2022 | 10:12 AM
మెగాపవర్ స్టార్ రామ్ చరణ్(Ram Charan)సినిమా కోసం ఇప్పుడు దేశం మొత్తం ఎదురుచూస్తోంది. ఆర్ఆర్ఆర్ సినిమాతో పాన్ ఇండియా స్టార్ అయిపోయాడు చరణ్. జక్కన్న తెరకెక్కించిన ఆర్ఆర్ఆర్ సినిమాలో అల్లూరిగా నటించి మెప్పించాడు చరణ్. ఈ సినిమాలో చరణ్ నటన, బాడీ లాంగ్వేజ్ ప్రేక్షకులను ఫిదా చేసింది. ప్రస్తుతం శంకర్ దర్శకత్వంలో సినిమా చేస్తున్నాడు మన మెగా పవర్ స్టార్. టాప్ డైరెక్టర్ గా పేరున్న శంకర్ ఓ పవర్ ఫుల్ కథతో రామ్ చరణ్ తో సినిమా తెరకెక్కిస్తున్నారు. చరణ్ కెరీర్ లో ఇది 15వ మూవీ. ఈ సినిమాలో చరణ్ కు జోడీగా బాలీవుడ్ భామ కియారా అద్వానీ హీరోయిన్ గా నటిస్తోంది. అయితే ఈ మూవీ పొలిటికల్ బ్యాక్ డ్రాప్ లో తెరకెక్కనుందని. చరణ్ డ్యూయల్ రోల్ లో నటిస్తున్నాడని టాక్. ఓ పాత్రలో ముఖ్య‌మంత్రిగా.. మ‌రో పాత్రలో ఐఏఎస్ ఆఫీస‌ర్‌గా చెర్రీ ఆక‌ట్టుకోనున్నారు.
ఇదిలా ఉంటే ఇప్పుడు ఈ మూవీ కి సంబంధించిన ఓ వీడియో సోషల్ మీడియాలో చక్కర్లు కొడుతోంది. ఎన్ని జాగ్రత్తలు తీసుకున్న సినిమాకు లీకుల బెడద తప్పడం లేదు. తాజాగా ఈ సినిమా షూటింగ్ కు సంబంధించిన ఓ వీడియో నెట్టింట వైరల్ అవుతోంది. ఈ వీడియోలో రోడ్డు పై ట్రాఫిక్ పోలీసులను ఆటపట్టిస్తున్న సన్నివేశం చిత్రీకరిస్తున్నారు. అయితే దానిని ఎవరో వీడియో తీసి సోషల్ మీడియాలో పోస్ట్ చేశారు. రోడ్డు పై ట్రాఫిక్ పోలీసులను ఆటపట్టిస్తూ చరణ్ డాన్స్ చేస్తూ కనిపిస్తున్నారు. ఇక ఈ సినిమాలో సునీల్, శ్రీకాంత్, అంజలి కీలక పాత్రలో నటిస్తున్నారు. తమన్ ఈ సినిమాకు సంగీతం అందిస్తున్నారు.
#RC15 @AlwaysRamCharan ?? pic.twitter.com/84wBDE28Z6
— . (@SidduCharan_) September 7, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
