Bigg Boss 6 Telugu: ఆ ఇద్దరు కంటెస్టెంట్స్కు షాకిచ్చిన బిగ్బాస్.. కొత్త కండిషన్ భలే చెప్పేశాడు..
కౌంటర్స్, సెటైర్స్తో రచ్చ చేశారు. అయితే నామినేషన్స్ ప్రక్రియలో ఇద్దరు ఇంటి సభ్యులకు బిగ్బాస్ పెద్ద షాకిచ్చాడు. ఇంతకీ ఏం జరిగిందో తెలుసుకుందామా.
బిగ్బాస్ సీజన్ 6 (Bigg Boss 6 Telugu) సందడి ప్రారంభమైన సంగతి తెలిసిందే. మొత్తం 21 మంది కంటెస్టెంట్స్తో అట్టహసంగా ప్రారంభమైన ఈ షో సక్సెస్ ఫుల్ గా దూసుకుపోతుంది. ఇక గత రెండు రోజులుగా ఇంట్లో నామినేషన్స్ రచ్చ జరిగిన సంగతి తెలిసిందే. మొదటి వారం నామినేషన్స్ లో భాగంగా ఏడుగురు సభ్యులు నామినేట్ అయ్యారు. అందులో యాంకర్ ఆరోహి, ఇనయ, అభినయ శ్రీ, సింగర్ రేవంత్, జబర్దస్థ్ ఫైమా, శ్రీ సత్య, చలాకీ చంటి నామినేట్ అయ్యారు. ఇక నామినేషన్స్ సమయంలో ఇంటి సభ్యుల మధ్య తీవ్రస్థాయిలో మాటల యుద్ధం నడిచింది. ముఖ్యంగా సింగర్ రేవంత్, జబర్దస్థ్ ఫైమా, యాంకర్ ఆరోహి మధ్య తీవ్రస్తాయిలో డైలాగ్ వార్ నడిచింది. కౌంటర్స్, సెటైర్స్తో రచ్చ చేశారు. అయితే నామినేషన్స్ ప్రక్రియలో ఇద్దరు ఇంటి సభ్యులకు బిగ్బాస్ పెద్ద షాకిచ్చాడు. ఇంతకీ ఏం జరిగిందో తెలుసుకుందామా.
బిగ్బాస్ సీజన్ 6లో రియల్ కపూల్ మెరీనా, ఆమె భర్త రోహిత్ ఎంట్రీ ఇచ్చిన సంగతి తెలిసిందే. అయితే వీరిద్దరిని వేరు వేరుగా కాకుండా.. ఒక కంటెస్టెంట్గా మాత్రమే పరిగణించాలని.. వీళ్లు నామినేట్ చేయాలనుకున్నా.. వీళ్లను ఎవరైనా నామినేట్ చేయాలన్నా జంటగానే భావించాలని చెప్పారు. అంటే వీరిలో ఒకర్ని నామినేట్ చేసినా.. ఇద్దరూ నామినేషన్లో ఉన్నట్లే. అంటే ఈ జంటలో ఒకరు ఎలిమినేట్ అయినా.. ఇద్దరు వెళ్లిపోవాల్సిందే అని ట్విస్ట్ ఇచ్చారు బిగ్బాస్. అయితే గత సీజన్లో రియల్ కపూల్ వితికా, వరుణ్ సందేశ్ లకు ఎవరికి వాళ్లు నామినేషన్స్ వేసుకునే అవకాశం ఉంది. ఇక ఎలిమినేషన్ కూడా జంటగా కాకుండా.. ఎవరికి వారే అన్నట్లుగా ఉండేది. వితికా 11వ వారంలో ఎలిమినేట్ అయితే వరుణ్ సందేశ్ మాత్రం టాప్ 5లో నిలిచాడు. కానీ ఈసారి ఈ జంట విషయంలో మాత్రమే అసలు కండిషన్ పెట్టేశారు.
