Bigg Boss 5 Telugu: బిగ్ బాస్ ఇంట్లోకి ఎంట్రీ ఇవ్వనున్న ‘జబర్దస్త్’ లేడీ.. ఎవరో తెలుసా..?

బిగ్ బాస్.. ఇండియాలో అత్యంత ప్రజాదరణ కలిగిన రియాలిటీ షోగా గుర్తింపు పొందిన విషయం తెలిసిందే. తెలుగులో కూడా

ఇప్పటికే విజయవంతంగా నాలుగు సీజన్స్ పూర్తి చేసుకున్న బిగ్ బాస్ తెలుగు ఇప్పుడు సీజన్ 5కోసం సిద్ధంగా ఉంది. త్వరలోనే ఈ రియాల్టీ షో ప్రేక్షకుల ముందుకు రాబోతుంది.

Ram Naramaneni |

Updated on: Aug 06, 2021 | 3:27 PM

బిగ్ బాస్.. ఇండియాలో అత్యంత ప్రజాదరణ కలిగిన రియాలిటీ షోగా గుర్తింపు పొందిన విషయం తెలిసిందే. తెలుగులో కూడా ఈ షో మంచి సక్సెస్ సాధించింది. నాలుగు సీజన్లు దిగ్విజయంగా ముగిశాయి. సీజన్ 5 త్వరలో ప్రారంభం కాబోతుంది. కరోనా వ్యాప్తి నేపథ్యంలో సరైన సినిమాలు కూడా లేక వినోదాన్ని మిస్ అయిన ప్రేక్షకులకు మంచి ఎంటర్టైన్‌మెంట్ ఇచ్చేందుకు ఐదవ సిజన్ రెడీ అయిపోయింది. మూడు, నాలుగు సీజన్లకు హోస్ట్ గా వ్యవహరించిన టాలీవుడ్ కింగ్ నాగార్జున ఈ సీజన్ లో కూడా వ్యాఖ్యాతగా కనిపించనున్నారు. అయితే బిగ్‌బాస్ సీజన్ 5 కంటెస్టెంట్స్‌గా ఎవరు రాబోతున్నారన్న విషయంపై సర్వత్రా ఆసక్తి నెలకొంది. ఫస్ట్ ఎపిసోడ్ మొదలయ్యే వరకూ కూడా కంటెస్టెంట్స్ పేర్లు బయటకు రాకుండా ‘స్టార్ మా’ వారు జాగ్రత్తపడతారు. అయితే లీకువీరుల నుంచి సమాచారం బయటకు వస్తుంది. ఇప్పటికే ప్రోమో షూట్లు కూడా జరుగుతున్నాయట. కంటెస్టెంట్ల జర్నీ వీడియోలు కూడా రెడీ అవుతున్నాయని టాక్ నడుస్తోంది. ఇలా మొత్తానికి బిగ్ బాస్ సందడి మాత్రం సోషల్ మీడియాలో ట్రెండ్ అవుతుంది. అయితే ఈసారి ట్రాన్స్‌జెండర్ కేటగిరీలో ప్రియాంక సింగ్‌ అలియాస్ జబర్దస్త్ సాయి ఎంట్రీ ఇవ్వనున్నట్లు విశ్వసనీయ వర్గాల ద్వారా తెలుస్తోంది. ఇందుకు సంబంధించిన అగ్రిమెంట్స్‌పై కూడా ఆమె సైన్ చేసినట్టు విశ్వసనీయ వర్గాల ద్వారా తెలుస్తోంది.

Jabardasth Priyanka Singh

కాగా బిగ్ బాస్ సీజన్ 4 కంటెస్టెంట్ అరియానా ఈసారి బిగ్ బాస్ బజ్ హోస్ట్‌గా వ్యవహరించబోతున్నారు. కాగా లీకువీరులు పక్కా అని చెబుతూ అందించిన మరికొందరు కంటెస్టెంట్ల పేర్లను ఇప్పుడు రివీల్ చేయబోతున్నాం.