Bigg Boss Amardeep:’మాకు మీరెప్పుడూ విన్నరే అన్నా’ బిగ్ బాస్ అమర్ దీప్పై పుస్తకం.. ఫ్యాన్స్ సర్ప్రైజ్
శివాజీ, భోలే షావలి, ప్రిన్స్ యావర్, నయని పావని, అశ్విని శ్రీ, ప్రియాంక జైన్, శోభా శెట్టి, గౌతమ్ కృష్ణ, ఆట సందీప్.. ఇలా అందరూ ఎక్కడో ఒక చోట కనిపిస్తూనే ఉన్నారు. కాగా బిగ్ బాస్ రన్నరప్గా నిలిచిన అమర్ దీప్ మాత్రం ఎక్కడా కనిపించలేదు. బిగ్ బాస్ గ్రాండ్ ఫినాలే రోజు దర్శనం తప్పితే ఇంకెక్కడా అమర్ జాడ లేదు.
![Bigg Boss Amardeep:'మాకు మీరెప్పుడూ విన్నరే అన్నా' బిగ్ బాస్ అమర్ దీప్పై పుస్తకం.. ఫ్యాన్స్ సర్ప్రైజ్](https://images.tv9telugu.com/wp-content/uploads/2023/12/bigg-boss-amardeep.jpg?w=1280)
బిగ్ బాస్ తెలుగు ఏడో సీజన్ ముగిశాక అందరూ తెగ పార్టీలు చేసుకున్నారు. విజేత రైతు బిడ్డ పల్లవి ప్రశాంత్తో సహా అందరూ గెట్ టు గెదర్ అయ్యి ఎంజాయ్ చేశారు. శివాజీ, భోలే షావలి, ప్రిన్స్ యావర్, నయని పావని, అశ్విని శ్రీ, ప్రియాంక జైన్, శోభా శెట్టి, గౌతమ్ కృష్ణ, ఆట సందీప్.. ఇలా అందరూ ఎక్కడో ఒక చోట కనిపిస్తూనే ఉన్నారు. కాగా బిగ్ బాస్ రన్నరప్గా నిలిచిన అమర్ దీప్ మాత్రం ఎక్కడా కనిపించలేదు. బిగ్ బాస్ గ్రాండ్ ఫినాలే రోజు దర్శనం తప్పితే ఇంకెక్కడా అమర్ జాడ లేదు. కొన్ని రోజుల క్రితం భార్య తేజస్వినితో కలిసి కొన్ని ఆధ్యాత్మిక యాత్రల్లో కనిపించాడు. మంత్రాలయం తదితర పుణ్య క్షేత్రాల్లో పూజలు చేస్తూ దర్శనమిచ్చాడు. అంతకు మించి బిగ్ బాస్ గెట్ టు గెదర్ ఈవెంట్స్, పార్టీల్లో ఎక్కడా కనిపించలేదీ సీరియల్ యాక్టర్. అయితే అనూహ్యంగా ఒక టీవీ షోలో దర్శనమిచ్చాడు అమర్ దీప్. అతనితో పాటు తన సీరియల్ బ్యాచ్ శోభాశెట్టి, ప్రియాంక జైన్, అమర్ దీప్, అంబటి అర్జున్ లు ఒక స్టేజీపై ఎంట్రీ ఇచ్చారు.
అయితే ఇక్కడ కొందరు అభిమానులు బిగ్ బాస్ కంటెస్టెంట్స్కు ఊహించని సర్ప్రైజ్లు ఇచ్చారు. ముఖ్యంగా రన్నరప్ అమర్ దీప్ కొందరు ఫ్యాన్స్ స్వీట్ సర్ ప్రైజ్ ఇచ్చారు. అమర్ దీప్ పేరిట ఓ అభిమాని ఏకంగా పుస్తకమే రాసేశాడు. ‘అన్నా.. అందరికీ మీరు రన్నర్ కావచ్చు.. మాకు మాత్రం మీరు ఎప్పటికీ విన్నరే అన్నా.. అమర్ అన్న తోపు.. దమ్ముంటే ఆపు’ వేదికపైనే బుక్ను అమర్ దీప్కు కానుకగా ఇచ్చాడు సదరు అభిమాని. దీంతో పక్కనే ఉన్న స్టార్ యాంకర్ శ్రీముఖి ‘మా తమ్ముడు సాధించాసేడురా’ అని బిగ్ బాస్ రన్నర్పై ప్రశంసలు కురిపించింది. ప్రస్తుతం ఇందుకు సంబంధించిన వీడియో సామాజిక మాధ్యమాల్లో తెగ వైరలవుతోంది.
అమర్ అన్న తోపు.. దమ్ముంటే ఆపు అంటోన్న అభిమానులు..
View this post on Instagram
అమర్ దీప్ కు ఊహించని సర్ ప్రైజ్..
View this post on Instagram
అభిమానుల పుస్తకం..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.