Nayanthara: లేడీ సూపర్ స్టార్ మిస్ చేసుకున్న సూపర్‌‌హిట్ సినిమాలు.. చేసుంటే మరింత క్రేజ్‌

తెలుగు, మలయాళం, తమిళంతోపాటు హిందీలోనూ సత్తా చాటుతూ లేడీ సూపర్​స్టార్​గా పేరు తెచ్చుకున్న నటి నయనతార. తన 20 ఏళ్ల కెరీర్‌లో 75కి పైగా చిత్రాల్లో నటించి స్టార్​ హీరోయిన్​గా విజయవంతంగా రాణిస్తుంది. ఇటీవల నెట్‌ఫ్లిక్స్ డాక్యుమెంటరీ ‘నయనతారా: బియాండ్ ది ఫెయిరీ టేల్’తో మరోసారి హైలైట్స్ అయిన ఆమె, ధనుష్‌తో కాంట్రవర్సీలో కూడా స్ట్రాంగ్‌గా నిలబడింది.

దక్షిణాదిన అందరు స్టార్​ హీరోల సరసన నటించిన నయన్​ బాలీవుడ్​లో ఎంట్రీతోనే కింగ్​ ఖాన్​ షారుఖ్ ఖాన్​​ సరసన్​ ఛాన్స్​ కొట్టేసి ‘జవాన్​’ సినిమాతో బ్లాక్​బస్టర్​ హిట్​ ఖాతాలో వేసుకుంది. అయితే నయన్​ తన కెరీర్లో కొన్ని సూపర్​హిట్​ సినిమాలను కూడా రిజెక్ట్​ చేసింది. నయన్​ వదులుకున్న ఆ హిట్​ సినిమాలేంటో చూద్దాం..

Chennaii Express

చెన్నై ఎక్స్‌ప్రెస్ (2013)

షారుఖ్ ఖాన్, దీపికా పదుకోణే హీరోహీరోయిన్‌లుగా రోహిత్ శెట్టి డైరెక్షన్‌లో వచ్చిన ఈ బాలీవుడ్ బ్లాక్‌బస్టర్, 400 కోట్లు వసూలు చేసింది. ఈ సినిమా ప్రారంభంలో ‘1 2 3 4 గెట్ ఆన్ ది డాన్స్ ఫ్లోర్’ ఐటమ్ సాంగ్‌కి నయనతారను అప్రోచ్ అయ్యారు. పర్సనల్ రీజన్స్ కారణంగా ఈ ఆఫర్​ని రిజెక్ట్ చేసింది. నయనతారకి బదులు ప్రియమణి ఈ సాంగ్​ చేసింది. నయన్​ ఈ పాట చేసుంటే అప్పుడే బాలీవుడ్​లోకి ఎంట్రీ ఇచ్చేది.

Paiyaa

పైయా (2010)

కార్తి హీరోగా ఎన్. లింగుస్వామి డైరెక్షన్‌లో వచ్చిన ఈ తమిళ యాక్షన్ థ్రిల్లర్, 100 కోట్లు గ్రాస్ కలెక్ట్​ చేసి ఇండస్ట్రీ హిట్​గా నిలిచింది. మొదట హీరోయిన్​గా నయన్​ను ఎంపిక చేయాలనుకున్నారట దర్శకనిర్మాతలు. కానీ ఆమె పలు కండిషన్స్ పెట్టడంతో నయన్​ని కాదని ఈ పాత్రకి తమన్నాని ఎంపిక చేశారు.

Ok Okk

ఓరు కాల్ ఓరు కన్నాడి (OK OK 2012)

ఉదయనిధి స్టాలిన్ డెబ్యూ మూవీగా ఎమ్. రాజేష్ డైరెక్షన్‌లో వచ్చిన ఈ కామెడీ ఎంటర్​టైనర్​ 100 కోట్లు వసూలు చేసి సూపర్​హిట్​గా నిలిచింది. హీరోయిన్ రోల్‌కి మొదట నయనతారాను అప్రోచ్ అయ్యారు, కానీ డేట్స్​ బిజీగా ఉండటంతో ఈ సినిమాను వదులుకుంది నయన్​. దాంతో మరో హిట్​ సినిమా మిస్​ చేసుకుంది.

Singamm2

సింగం 2 (2013)

సూర్య హీరోగా హరి డైరెక్షన్‌లో వచ్చిన ఈ కాప్ యాక్షన్ సీక్వెల్, 150 కోట్లు గ్రాస్ కలెక్ట్​ చేసింది. ‘వాలే వాలే’ స్పెషల్ సాంగ్‌కి నయనతారను అడిగారు. కానీ నయన్​ రిజెక్ట్ చేసింది. దాంతో అంజలి ఈ పాటలో పెర్ఫార్మ్ చేసింది.

Thiruchitrambalamm

థిరుచిత్రంబలం (2022)

ధనుష్ హీరోగా మిథున్ శంకర్ డైరెక్షన్‌లో వచ్చిన ఫ్రెండ్‌షిప్ డ్రామా థిరుచిత్రంబలం 200 కోట్లు సేకరించి పాన్ఇండియా హిట్​గా నిలిచింది. మొదట ఈ సినిమాలో కీ రోల్‌కి నయనతారను అప్రోచ్ అయ్యారు. నయన్​ రిజెక్ట్ చేయడంతో ఆ పాత్రలో నిత్యామీనన్​ నటించింది.

ఇవేకాదు ‘వకీల్ సాబ్’, ‘ది లెజెండ్’ వంటి సినిమాలను కూడా పలు కారణాల వల్ల వదులుకుంది. కొన్ని సినిమాలకి డేట్స్​ అడ్జస్ట్​ కాకపోవడం మరికొన్ని సినిమాలకు రెమ్యునరేషన్​ కారణాలుగా ఉన్నాయి. అయినప్పటికీ శ్రీ రామరాజ్యం, జవాన్​, గాడ్​ఫాదర్​, సైరా నరసింహారెడ్డి, దర్బార్​, అన్నాత్తై.. వంటి సూపర్​హిట్​ సినిమాలను ఖాతాలో వేసుకుని లేడీ సూపర్​స్టార్​గా రాణిస్తోంది నయన్​!