Sunitha: ఆ సమయంలో మానసిక క్షోభను అనుభవించాను.. ఆయనే నన్ను కాపాడారు.. కంటతడి పెట్టుకున్న సింగర్ సునీత..
Singer Sunitha: సింగర్ సునీత.. ఈ పేరును ప్రత్యేకంగా పరిచయం చేయాల్సిన పనిలేదు. తన అద్భుత గాత్రంతో ఎంతో మంది అభిమానులను సొంతం చేసుకున్నారు. ఆమె పాడితేనే కాదు, మాట్లాడుతున్నా ఎంతో విన్నసొంపుగా ఉంటుంది. అందుకే...
Singer Sunitha: సింగర్ సునీత.. ఈ పేరును ప్రత్యేకంగా పరిచయం చేయాల్సిన పనిలేదు. తన అద్భుత గాత్రంతో ఎంతో మంది అభిమానులను సొంతం చేసుకున్నారు. ఆమె పాడితేనే కాదు, మాట్లాడుతున్నా ఎంతో విన్నసొంపుగా ఉంటుంది. అందుకే డబ్బింగ్‌లో కూడా తనకు సాటి ఎవరు లేరని చాటి చెప్పారు. కెరీర్‌లో ఏకంగా 120 మందికి పైగా హీరోయిన్స్‌కి పైగా డబ్బింగ్‌ చెప్పి ఔరా అనిపించారు. ఇక నిత్యం నవ్వుతూ, నవ్విస్తూ కనిపించే సునీత జీవితంలో ఎన్నో చేదు జ్ఞాపకాలు కూడా ఉన్నాయి. భర్త దూరం కావడం, ఇద్దరు పిల్లల్ని తానే పెంచడం.. ఇలా ఎన్నో కష్టాలను ఎదుర్కొన్నారు సునీత.
ఇదిలా ఉంటే సునీత గతేడాది వ్యాపారవేత్త రామ్‌ వీరపనేనిని రెండో వివాహం చేసుకున్న విషయం తెలిసిందే. ప్రస్తుతం సునీత తన దాంపత్య జీవితాన్ని ఎంతో సంతోషంగా గడుపుతున్నారు. అయితే గత జీవితం తాలుకు జ్ఞాపకాలు ఇప్పటికీ తనను వెంటాడుతూనే ఉన్నాయి. తాజాగా ఓ యూట్యూబ్‌ చానల్‌కు ఇచ్చిన ఇంటర్వ్యూలో సునీత భావోద్వేగానకి గురయ్యారు. ఈ సందర్భంగా ఆమె మాట్లాడుతూ.. ‘జీవితంలో నాకు మెంటర్‌ బాల సుబ్రమణ్యం గారు. ఒకానొక సమయంలో ఎంతో డిప్రెషన్‌లోకి జారుకున్నాను. నాకు మళ్లీ స్ట్రాంగ్‌ చేసిన ఏకైక వ్యక్తి ఆయనే. బాలు గారు అంటే భక్తి, బాలు గారు అంటే అభిమానం, బాలు గారు అంటే జీవితం’ అంటూ సునీత కంటతడి పెట్టుకున్నారు.
ఇక రెండో వివాహంపై జరిగిన ట్రోలింగ్‌ గురించి ఎలా స్పందిస్తారన్న ప్రశ్నలకు సునీత బదులిస్తూ.. ‘నేను ఎంతో మందికి వినోదాన్ని పంచడానికి కారణమైనని అంటున్నప్పుడు. ఇన్ని మంచి విషయాలు ఉండగా.. ఎందుకు నా వ్యక్తిగత జీవితం గురించి మాట్లాడుతారు. సంస్కారంతులైన వారి లక్షణం ఏంటంటే… ఒక మనిషిని ఒక మాట అనే ముందు ఏం మాట్లాడుతాన్నామో ఒకసారి ఆలోచించాలి’ అంటూ ఒకింత సీరియస్‌ అయ్యారు.
మరిన్ని సినిమా వార్తల కోసం క్లిక్ చేయండి..
