Bigg Boss 6 Telugu: బిగ్‏బాస్ అసలైన ట్విస్ట్.. ఈవారం ఎలిమినేట్ అయ్యేది వాళ్లే.. కానీ..

బిగ్ బాస్ సీజన్ 6 (Bigg Boss 6 Telugu) రెండో వారం కెప్టెన్‏గా మోడల్ రాజ్ ఎన్నికైన సంగతి తెలిసిందే. కెప్టెన్సీ కంటెండర్ టాస్కులో అత్యధిక ఓట్లు రాబట్టి హౌస్ కెప్టెన్ అయ్యాడు. ఇక మరోవైపు బిగ్ బాస్ రెండోవారం ఎలిమినేషన్ సమయం వచ్చేసింది. మొదటి వారం నో ఎలిమినేషన్ కావడంతో.. ఈ వారం ఎమినేషన్ మరింత ఆసక్తిని రేకెత్తిస్తోంది. ఇప్పటికే సోషల్ మీడియాలో ఎలిమినేట్ అయ్యేది అతడే అంటూ చర్చ నడుస్తోంది. మరోవైపు నెట్టింట జరుగుతున్న పోలింగ్ ప్రకారం ముగ్గురు డేంజర్ జోన్‏లో ఉన్నట్లు తెలుస్తోంది. ఇక గతవారం కొద్దిలో ఎస్కెప్ అయిన అభినయ శ్రీ ఈ వారం కూడా డేంజర్ జోన్‏లో ఉందని..ఆమెతో పాటు.. రాజ్, షానీ కూడా ఉన్నట్లు సమాచారం. అయితే సోషల్ మీడియాలో వచ్చే ఓటింగ్‏కు.. నిర్వాహకులు చేసే ఎలిమినేషన్‏కు అసలు సంబంధం ఉండదని గత సీజన్లలో తెలిసిన విషయమే. ఇక ఈసారి కూడా ఎలిమినేషన్ ప్రక్రియలు పలు ట్విస్టులు చోటు చేసుకోబోతున్నట్లు తెలుస్తోంది.

ఇక రెండోవారం నామినేషన్లలో గీతూ, రేవంత్, అభినయ శ్రీ, ఫైమా , ఆది రెడ్డి, రోహిత్-మెరీనా, షానీ, రాజ్ ఉన్నారు. అయితే మొదటి నుంచి తన మాటతీరు ప్రవర్తనతో నెగిటివ్ టాక్ తెచ్చుకున్న గీతూ ఈవారం సిసింద్రీ టాస్కులో అదరగొట్టింది. తన ఆట తీరుతో ప్రేక్షకులను మెప్పించడంతో ఆమె ఈవారం సేఫ్ జోన్ లో ఉందట. అలాగే రేవంత్.. ఆదిరెడ్డి, ఫైమా, మెరినా-రోహిత్ సేఫ్ జోన్ లో ఉండగా.. రాజ్, అభినయ శ్రీ, షానీ డెంజర్ జోన్‏లో ఉన్నట్లు సమాచారం. అయితే సోషల్ మీడియా పోలింగ్ ప్రకారం ఈవారం షానీ ఎలిమినేట్ కానున్నట్లు తెలుస్తోంది. అలాగే మొదటి వారం ఎలిమినేషన్ లేదు కాబట్టి.. ఈవారం డబుల్ ఎలిమినేషన్ ఉన్నా ఆశ్చర్యపోనవసరం లేదు. ఒకవేళ డబుల్ ఎలిమినేషన్ ఉంటే షానీతోపాటు.. రాజ్ లేదా అభినయ శ్రీ ఎలిమినేట్ కావడం తప్పనిసరి. ఇక బిగ్ బాస్ కెప్టెన్ గా ఉన్న రాజ్ ను ఏమైనా కన్సిడర్ చేస్తే అభినయ శ్రీ ఎలిమినేట్ అవుతున్నట్లు తెలుస్తోంది. అంటే ఈ వారం డబుల్ ఎలిమినేషన్ ఉంటే షానీ, అభినయ శ్రీ ఇంటి నుంచి బయటకు వచ్చేయడం లేదా.. సింగిల్ ఎలిమినేషన్ ఉంటే షానీ ఎలిమినేట్ అయినట్లుగా సమాచారం. ఇక చూడాలి ఈ వారం ఎలిమినేట్ అయ్యేది ఎవరో.