బాలీవుడ్‌కు సమంతా ‘ఓ బేబీ’..!

స్టార్ హీరోయిన్ సమంతా ప్రధాన పాత్రలో లేడి డైరెక్టర్ నందినిరెడ్డి రూపొందిస్తున్న చిత్రం ‘ఓ బేబీ’. ఈ చిత్రం ప్రపంచవ్యాప్తంగా జూలై 5న విడుదల కానుంది. కొరియన్ మూవీ ‘మిస్ గ్రానీ’‌కి రీమేక్‌గా తెరకెక్కుతున్న ఈ చిత్రం గురించి ఓ ఇంట్రెస్టింగ్ న్యూస్ ఇండస్ట్రీలో చక్కర్లు కొడుతుంది.

తాజాగా సమాచారం ప్రకారం ఈ చిత్రాన్ని హిందీలో కూడా రీమేక్ చేయాలని నిర్మాత సురేష్ బాబు భావిస్తున్నాడట. ఈ నేపథ్యంలో ఆయన ఓ ప్రముఖ నిర్మాణ సంస్థతో చర్చలు కూడా జరిపారని తెలుస్తోంది. ఇంకా దీనిపై పూర్తి వివరాలు త్వరలోనే వెల్లడించనున్నారు చిత్ర యూనిట్. మరోవైపు ఈ సినిమాలో సమంతాతో పాటు నాగ శౌర్య,లక్ష్మీ, రావు రమేష్, రాజేంద్ర ప్రసాద్ ప్రధాన పాత్రలలో నటిస్తున్నారు.