జెనీలియా భర్త అనగానే నా ఇగో హర్ట్ అయ్యింది: రితేష్
జెనీలియా.. పుట్టింది ఉత్తర భారతదేశంలో అయినా దక్షిణాది హీరోయిన్గా పేరు సంపాదించుకుంది. హిందీలో పోలిస్తే ఇక్కడ ఆమెకు మంచి మంచి పాత్రలను ఇచ్చారు దర్శకులు
Updated on: Oct 21, 2020 | 12:17 PM
Riteish Deshmukh Genelia: జెనీలియా.. పుట్టింది ఉత్తర భారతదేశంలో అయినా దక్షిణాది హీరోయిన్గా పేరు సంపాదించుకుంది. హిందీలో పోలిస్తే ఇక్కడ ఆమెకు మంచి మంచి పాత్రలను ఇచ్చారు దర్శకులు. ఆ విషయాన్ని జెనీలియా సైతం పలు ఇంటర్వ్యూల్లో వెల్లడించారు. తనను దక్షిణాది వారు చాలా ఆదరిస్తారని ఆమె తెలిపారు. కాగా వ్యక్తిగత జీవితంలో జెనీలియా, బాలీవుడ్ నటుడు రితేష్ దేశ్ముఖ్ని వివాహం చేసుకున్న విషయం తెలిసిందే. 2011లో వీరిద్దరు పెళ్లి చేసుకోగా.. ఈ ఇద్దరికి ఇద్దరు పిల్లలు కూడా ఉన్నారు.
అయితే జెనీలియాను దక్షిణాది వారు ఎంతగా ఆదరిస్తారో రితేష్ దేశ్ముఖ్ వెల్లడించారు. ప్రముఖ టీవీ ప్రోగ్రాం కామెడీ విత్ కపిల్ శర్మ షోలో రితేష్, జెనీలియా పాల్గొన్నారు. దీనికి సంబంధించిన ఓ ప్రోమోను తాజాగా విడుదల చేశారు. అందులో ఓ విషయాన్ని రితేష్ పేర్కొన్నారు. బెంగళూరులో నేను క్రికెట్ లీగ్ చూడటానికి వెళ్లినప్పుడు.. ఇద్దరు గుసగుసలాడుకున్నారు. నేను చూస్తే మీరు జెనీలియా భర్త కదా అని అడిగారు. ఆ మాటకు నా ఇగో హర్ట్ అయ్యింది. వెంటనే వారితో ఇక్కడ నేను జెనీలియా భర్తను, కానీ మహారాష్ట్రలో ఆమె రితేష్ భార్య అని చెప్పాను. అప్పుడు వారు సర్ ఒక్క రాష్ట్రంలోనే జెనీలియాను రితేష్ భార్య అంటారు. కానీ కర్ణాటక, కేరళ, తమిళనాడు, ఆంధ్రప్రదేశ్లో మిమ్మల్ని జెనీలియా భర్త అని అంటారు అని చెప్పారు. రితేష్ ఈ విషయం చెప్పగానే అక్కుడున్న అందరూ గట్టిగా నవ్వారు. అయితే జెనీలియా ఒక్కటే కాదు.. ఉత్తరాదికి చెందిన కాజల్, ఇలియానా సహా పలువురు ఇప్పటికీ దక్షిణాది హీరోయిన్లుగానే చలామణి అవుతున్నారు. వారికి ఇక్కడ భారీ ఫ్యాన్ ఫాలోయింగ్ ఉంది.
Read More:
మోసం చేస్తూ దొరికిన డెలివరీ బాయ్.. అరెస్ట్
Corona Updates: దేశంలో కొత్తగా 54,044 పాటిజివ్ కేసులు
https://www.instagram.com/p/CGjpjouKq3_/?utm_source=ig_embed
