లారెన్స్ ‘కాంచన 3’ విడుదల తేదీ ఖరారు..!

‘ముని’ సిరీస్ కు సీక్వెల్ గా తెరకెక్కుతున్న చిత్రం ‘కాంచన 3’. రాఘవ లారెన్స్ ప్రధాన పాత్రలో నటిస్తూ దర్శకత్వం వహిస్తున్న ఈ చిత్రాన్ని మొదట మే 1 న విడుదల చేస్తారని ప్రచారం జరిగింది. అయితే ఇప్పుడు చిత్రం విడుదల తేదీపై క్లారిటీ ఇచ్చారు నిర్మాతలు.

తాజా సమాచారం ప్రకారం ఈ చిత్రాన్ని ఏప్రిల్ 19న విడుదల చేస్తున్నట్లు అధికారకంగా ప్రకటించారు. సన్ పిక్చర్స్ తో కలిసి లారెన్స్ తన సొంత బ్యానర్ రాఘవేంద్ర ప్రొడక్షన్స్ మీద ఈ చిత్రాన్ని నిర్మిస్తున్నారు. వేదిక, ఓవియా హీరోయిన్లు గా నటిస్తున్న ఈ చిత్రాన్ని తెలుగులో ఠాగూర్ మధు విడుదల చేస్తున్నారు.