OTT Movies: ఓటీటీ లవర్స్కు పండగే.. కంటెంట్పై కేంద్రం కీలక నిర్ణయం
OTT ప్లాట్ఫామ్లలోని కంటెంట్కు సంబంధించి కేంద్ర ప్రభుత్వం కీలక మార్గదర్శకాలు జారీ చేసింది. ఇన్ఫర్మేషన్ టెక్నాలజీ రూల్స్ 2021 ప్రకారం వయస్సు ఆధారంగా కంటెంట్ను వర్గీకరించాలని ఓటీటీ సంస్థలకు సూచించింది. దీంతో పాటు 50 లక్షలకు పైగా వినియోగదారులు ఉన్న సోషల్ నెట్వర్కింగ్ సైట్స్ స్వీయ నియంత్రణ ఉండాలని తెలిపింది.
Updated on: Dec 18, 2025 | 5:53 PM
థియేటర్లలో విడుదలైన సినిమాలను సెన్సార్ చేసినట్లే, OTTలో ప్రసారం అయ్యే సినిమాలు మరియు వెబ్ సిరీస్లను సెన్సార్ చేయాలని ఒక వర్గం ప్రజలు తమ గళాన్ని లేవనెత్తారు. అయితే, ఇది సాధ్యం కాదని కేంద్ర ప్రభుత్వం తెలిపింది. నెట్ఫ్లిక్స్, అమెజాన్ ప్రైమ్ వీడియో, హాట్స్టార్ వంటి ఇతర OTT ప్లాట్ఫామ్లలో కంటెంట్కు సెన్సార్షిప్ అవసరం లేదని కేంద్ర ప్రభుత్వం స్పష్టం చేసింది. పిల్లలు మొబైల్ ఫోన్ లేకపోయినా OTT ప్లాట్ఫామ్లను సులభంగా చూడవచ్చు. తల్లిదండ్రులు తమ మొబైల్ ఫోన్లలో లేదా టీవీలో OTT సినిమాలు చూడవచ్చు. అటువంటి పరిస్థితిలో, సెన్సార్ చేయని సినిమాలు వెబ్ సిరీస్లను చూస్తే, అది వారిపై ప్రభావం చూపే అవకాశం ఉంది. అందువల్ల, వాటిని సెన్సార్ చేయాలని చాలా మంది డిమాండ్ చేశారు. దీనిపై కేంద్ర ప్రభుత్వం లోక్సభలో స్పందించింది.
కేంద్ర సమాచార, ప్రసార శాఖ సహాయ మంత్రి ఎల్. మురుగన్ ఈ విషయంపై మాట్లాడారు ‘ఓటీటీ ప్లాట్ఫామ్లు ఇన్ఫర్మేషన్ టెక్నాలజీ రూల్స్, 2021 ప్రకారం నియంత్రణ పరిధిలోకి వస్తాయి. ఓటీటీ ప్లాట్ఫామ్లు వయస్సు ఆధారంగా కంటెంట్ను వర్గీకరిస్తున్నాయి’ అని ఆయన తెలియజేశారు. అశ్లీల కంటెంట్ను వ్యాప్తి చేస్తున్న 43 ఓటీటీ ప్లాట్ఫామ్లపై నిషేధం గురించి కూడా కేంద్ర ప్రభుత్వం సమాచారం ఇచ్చింది. OTT సినిమాలు, సిరీస్లకు సెన్సార్షిప్ ప్రక్రియ ఉంటే, ప్రేక్షకులకు అన్ని సినిమాలు, సిరీస్లను చూసే అవకాశం ఉండేది కాదు. అయితే ఇప్పుడు కేంద్రం తీసుకున్న ఈ నిర్ణయం ఓటీటీ లవర్స్ కు శుభవార్తే అని చెప్పవచ్చు.
సెన్సార్ లేకపోయినా సోషల్ మీడియాలో అశ్లీలతను నియంత్రించడానికి కేంద్రం కొన్ని కీలక నిర్ణయాలు ీసుకుంది. . కంటెంట్ కు సంబంధించి కొన్ని మార్గదర్శకాలను జారీ చేసింది. ఓటీటీలలో ఉన్న కంటెంట్ ని ఏ వయసు వాళ్ళు చూడాలి అని వయస్సు ఆధారితంగా కంటెంట్ ని చూపించాలి. 50 లక్షలకు పైగా వినియోగదారులు ఉన్న సోషల్ నెట్వర్కింగ్ సైట్స్ స్వీయ నియంత్రణల ఉండాలి. దీనికి గాను ప్రతి ఓటీటీ సంస్థలో ఒక టీమ్ ఉండాలి. ఇక అశ్లీలత, ప్రైవసీ కి సంబంధించిన కంటెంట్ ఉన్నట్టు కేంద్రం దృష్టికి వస్తే 24 గంటల్లో తీసేయాలి. అలాగే కేంద్ర ప్రభుత్వం యంత్రంగం ఓటీటీలను ఎప్పటికప్పుడు పర్యవేక్షిస్తుంది.
మరిన్ని సినిమా వార్తల కోసం ఇక్కడ క్లిక్ చేయండి.
