Beast OTT: ఓటీటీలోకి ‘బీస్ట్‌’ వచ్చేస్తోంది.. స్ట్రీమింగ్ ఎప్పటి నుంచంటే.. అధికారిక ప్రకటన..
Beast OTT: తమిళ స్టార్‌ హీరో విజయ్‌ హీరోగా తెరకెక్కిన చిత్రం 'బీస్ట్‌'. దిలీప్‌ కుమార్‌ దర్శకత్వం వహించిన ఈ సినిమా భారీ అంచనాల నడుమ ఏప్రిల్‌ 13న విడుదలైంది. తమిళంతో పాటు తెలుగు, హిందీ, మలయాళ, కన్నడ భాషల్లో పాన్‌ ఇండియా రేంజ్‌లో...
Beast OTT: తమిళ స్టార్‌ హీరో విజయ్‌ హీరోగా తెరకెక్కిన చిత్రం ‘బీస్ట్‌’. దిలీప్‌ కుమార్‌ దర్శకత్వం వహించిన ఈ సినిమా భారీ అంచనాల నడుమ ఏప్రిల్‌ 13న విడుదలైంది. తమిళంతో పాటు తెలుగు, హిందీ, మలయాళ, కన్నడ భాషల్లో పాన్‌ ఇండియా రేంజ్‌లో ఈ సినిమాను మేకర్స్‌ ప్రేక్షకులకు ముందుకు తీసుకొచ్చారు. ఇదిలా ఉంటే ఎన్నో అంచనాల నడుమ వచ్చిన ఈ సినిమా తమిళ్‌లో భారీ వసూళ్లను రాబట్టినప్పటికీ ఇతర భాషల్లో ఆశించిన స్థాయిలో ఆకట్టుకోలేకపోయింది. ఈ సినిమా విడుదలైనప్పుడే కేజీఎఫ్‌ చిత్రం రావడం, ఆ సినిమాకు దేశ వ్యాప్తంగా మంచి బజ్‌ ఉండడంతో బీస్ట్‌ వసూళ్లపై ప్రభావం పడింది.
అయితే విజయ్‌ ఫ్యాన్స్‌కు మాత్రం ఈ సినిమా బాగా నచ్చిందనే చెప్పాలి. ఈ సినిమాలో ‘రా’ ఏజెంట్‌గా అద్భుతమైన నటనను కనబరిచారు విజయ్‌. ఓ షాపింగ్‌ మాల్‌ను టెర్రరిస్ట్‌లు హైజాక్‌ చేస్తే, అందులో ఉన్న ప్రజలను హీరో ఎలా రక్షించాడన్న కథాంశంతో ఈ సినిమాను తెరకెక్కించారు. సిల్వర్‌ స్క్రీన్‌పై సందడి చేసిన ఈ సినిమా ఇప్పుడు డిజిటల్ స్క్రీన్‌ ఎంట్రీ ఇవ్వడానికి సిద్ధమైంది. నిజానికి ఊహించిన దాని కంటే ముందే బీస్ట్‌ డిజిటల్ ఎంట్రీ ఇస్తోంది.
ఈ సినిమాను మే 11న స్ట్రీమింగ్ చేయనున్నట్లు ప్రముఖ ఓటీటీ సంస్థ నెట్‌ఫ్లిక్స్‌ తాజాగా అధికారికంగా ప్రకటించింది. ఈ మేరకు ట్విట్టర్‌ వేదికగా ఓ ట్వీట్ చేసింది. మే 11న తమిళ్‌, తెలుగు, మలయాళం, కన్నడ, హిందీ భాషల్లో బీస్ట్‌ విడుదల కానున్నట్లు ట్వీట్ చేశారు. దీంతో విజయ్‌ ఫ్యాన్స్‌ ఫుల్‌ ఖుషీ అవుతున్నారు.
MAY YOUR DAY GET MEANER LEANER STRONGER ?
Because Beast is coming to Netflix on 11th May in Tamil, Telugu, Malayalam, Kannada and Hindi ?#BeastOnNetflix @actorvijay @Nelsondilpkumar @anirudhofficial @hegdepooja @selvaraghavan @sunpictures pic.twitter.com/cqZLzCrNIF
— Netflix India South (@Netflix_INSouth) May 4, 2022
మరిన్ని సినిమా వార్తల కోసం క్లిక్ చేయండి..
Also Read: Telangana: ఏకాంతంగా ఉన్నప్పుడు అటాక్.. మర్మాంగాలను ఛిద్రం చేసి.. చేసింది అతడే..
