KGF OTT: అమెజాన్ ప్రైమ్లో విడుదలైన కేజీఎఫ్ 2.. కానీ షరతులు వర్తిస్తాయి.. అవేంటంటే..
KGF OTT: ప్రశాంత్ నీల్ (Prashanth neel) దర్శకత్వంలో తెరకెక్కిన కేజీఎఫ్ సీక్వెల్ చిత్రం కేజీఎఫ్2 ఎంతటి ఘన విషయాన్ని దక్కించుకుందో ప్రత్యేకంగా చెప్పాల్సిన పనిలేదు. యశ్ (yash) హీరోగా తెరకెక్కిన ఈ సినిమా...
Updated on: May 17, 2022 | 9:15 AM
KGF OTT: ప్రశాంత్ నీల్ (Prashanth neel) దర్శకత్వంలో తెరకెక్కిన కేజీఎఫ్ సీక్వెల్ చిత్రం కేజీఎఫ్2 ఎంతటి ఘన విషయాన్ని దక్కించుకుందో ప్రత్యేకంగా చెప్పాల్సిన పనిలేదు. యశ్ (yash) హీరోగా తెరకెక్కిన ఈ సినిమా ఇండియన్ బాక్సాఫీస్పై దండయాత్ర చేసిందనడంలో ఎలాంటి సంశయం లేదు. దేశవ్యాప్తంగా ఏకంగా రూ. 1200 కోట్ల కలెక్షన్లు రాబట్టిందీ సినిమా. ఇక థియేటర్లలో వసూళ్ల వర్షం కురిపించిన ఈ చిత్రాన్ని తాజాగా అమెజాన్ ప్రైమ్లో అందుబాటులోకి తీసుకొచ్చారు. ప్రైమ్ సబ్స్క్రిప్షన్ ఉంది ఇంకేంటి సినిమా చూసేద్దాం అనుకుంటున్నారా.? అమెజాన్ ఇక్కడే యూజర్లకు ఓ ట్విస్ట్ ఇచ్చింది. అదేంటంటే..
సాధారణంగా తీసుకున్న సబ్స్క్రిప్షన్తో కేజీఎఫ్ సినిమా చూడడం వీలు పడదు. ఇందు కోసం యూజర్లు ప్రత్యేకంగా ఎర్లీ యాక్సెస్ పేరిట అదనంగా రూ.199 చెల్లించాల్సి ఉంటుంది. అంతేకాదు ఇది కేవలం 30 రోజుల వ్యాలిడిటీ మాత్రమే ఉంటుంది. అంటే సినిమాను అద్దెకు తీసుకోవడం అన్నమాట. ఇక ఈ ట్విస్ట్ ఇక్కడితోనే ఆగిపోలేదు. సినిమా చూడటం మొదలు పెట్టిన 48 గంటల్లోనే వ్యాలిడిటీ పూర్తయిపోతుంది. అంటే సినిమా చూడడం మొదలు పెడితే రెండు రోజుల్లో పూర్తిచేయాలన్నమాట.
భారీ బడ్జెట్తో తెరకెక్కిన సినిమా కావడం, అమెజాన్ అత్యంత ఎక్కువ ధరకు డిజిటల్ హక్కులను కొనుగోలు చేయడంతో ఈ విధానాన్ని అవలంభించింది. ఇదిలా ఉంటే జీ5 వేదికగా విడుదల కానున్న ఆర్ఆర్ఆర్ చిత్రానికి కూడా ఇదే విధానాన్ని అవలంభిస్తున్నారు. ట్రిపులార్ చూడాలంటే రూ. 100 చెల్లించాలి దీని వ్యాలిడిటీ ఏడు రోజులు ఉంటుంది.
మరిన్ని సినిమా వార్తల కోసం క్లిక్ చేయండి..
