OTT Movies: అదిరేటి సినిమాలు/ వెబ్సిరీస్లతో ఓటీటీలు సిద్దం.. ఈ వారం రిలీజయ్యే లిస్టు ఇదే!
ఏ ఓటీటీలో.. ఏ సినిమా రిలీజ్ అవుతుందోనని సెర్చ్ చేసేవారు పెరిగిపోయారు. ఎక్కువగా డబ్బులు ఖర్చుపెట్టుకుని..
Updated on: Aug 23, 2022 | 1:52 PM
ఇప్పుడంతా ట్రెండ్ మారింది గురూ.. థియేటర్లలో పాప్కార్న్ తింటూ సినిమాలు చూసేవాళ్ల సంఖ్య తగ్గింది. ఏ ఓటీటీలో.. ఏ సినిమా రిలీజ్ అవుతుందోనని సెర్చ్ చేసేవారు పెరిగిపోయారు. ఎక్కువగా డబ్బులు ఖర్చుపెట్టుకుని సినిమా థియేటర్లకు వెళ్లే బదులు ఇంటిల్లిపాది ఓటీటీలలో ఒకటి కంటే ఎక్కువసార్లు సినిమాను చూడవచ్చునంటూ డిజిటల్ ఫ్లాట్ఫామ్లకు జై కొడుతున్నారు. మరి ఇదే తరుణంలో అదిరేటి సినిమాలు/ వెబ్సిరీస్లతో ఓటీటీలు సిద్దమైపోయాయి. ఈ వారం రిలీజయ్యే లిస్టు ఎలా ఉందో తెలుసుకుందాం..
కట్పుట్లి:
అక్షయ్ కుమార్, రకుల్ ప్రీత్ సింగ్ జంటగా దర్శకుడు రంజిత్ తివారీ తెరకెక్కించిన చిత్రం ‘కట్పుట్లి’. తెలుగులో హిటైన రాక్షసుడు’ సినిమాకు ఇది రీమేక్. సెప్టెంబర్ 2వ తేదీ నుంచి డిస్నీ+ హాట్స్టార్లో స్ట్రీమింగ్ కానుంది.
టాప్గన్ మార్వెరిక్:
టామ్ క్రూజ్ ప్రధాన పాత్రలో తెరకెక్కిన చిత్రం టాప్గన్ మార్వెరిక్. ఈ యాక్షన్ డ్రామా 2022లో అత్యధిక వసూళ్లు సాధించిన సినిమాగా నిలిచింది. యాక్షన్ ప్రియులకు ఫుల్ మీల్స్ పెట్టే ఈ చిత్రం ఆగష్టు 24 నుంచి అమెజాన్ ప్రైమ్ వీడియోలో స్ట్రీమింగ్ కానుంది.
ఢిల్లీ క్రైమ్(సీజన్ 2):
షెఫాలీషా ప్రధాన పాత్రలో తెరకెక్కిన వెబ్ సిరీస్ ఢిల్లీ క్రైమ్. ఈ వెబ్ సిరీస్ తొలి సీజన్ అత్యంత పాపులారిటీని సంపాదించింది. దీని రెండో భాగం ఆగష్టు 26 నుంచి నెట్ఫ్లిక్స్లో స్ట్రీమింగ్ కానుంది. ఢిల్లీలో జరిగిన ఓ సంచలన క్రైమ్ చుట్టూ ఈ వెబ్ సిరీస్ కథ తిరుగుతుంది.
మహారాణి(సీజన్ 2):
హుమా కురేషీ ప్రధాన పాత్రలో రూపొందిన మహారాణి తొలి సీజన్.. వన్ ఆఫ్ ది బెస్ట్ పొలిటికల్ థ్రిల్లర్ సిరీస్ అని చెప్పొచ్చు. ఇప్పుడు దానికి సీజన్ 2 ప్రేక్షకుల ముందుకు రానుంది. ఆగష్టు 25 నుంచి సీజన్ 2.. సోని లివ్ ఓటీటీలో స్ట్రీమింగ్ కానుంది.
వీటితో పాటు ‘She-Hulk’ రెండో ఎపిసోడ్ ఆగష్టు 25న హాట్ స్టార్లో.. ఆగష్టు 26 నుంచి ‘సమరిటన్’ మూవీ అమెజాన్ ప్రైమ్ వీడియోలో, ‘మేడ్ ఇన్ చెల్సియా- మాలోర్కా’ వెబ్ సిరీస్ ఆగష్టు 23 నుంచి హేయూ ఓటీటీ ద్వారా అందుబాటులో ఉంటుంది.
మరోవైపు విజయ్ దేవరకొండ, అనన్య పాండే ప్రధాన పాత్రల్లో నటిస్తున్న ‘లైగర్’ చిత్రం ఆగష్టు 25వ తేదీన థియేటర్లలో విడుదల కానుంది. ఈ సినిమా తెలుగుతో పాటు హిందీ, తమిళం, కన్నడ, మలయాళ భాషల్లో రూపొందింది. ఆ తర్వాతి రోజు అనగా ఆగష్టు 26న భలా చోర భళా, కళాపురం, పీకే వంటి చిన్న చిత్రాలు విడుదల కానున్నాయి.
మరిన్ని ఎంటర్టైన్మెంట్ వార్తల కోసం..
