Pushpa 2: పుష్ప 2 నుంచి లేటెస్ట్ పోస్టర్‌.. రొమాంటిక్‌ లుక్‌లో పుష్ప, శ్రీవల్లి

అల్లు అర్జున్ హీరోగా సుకుమార్ దర్శకత్వంలో తెరకెక్కుతోన్న పుష్ప2పై భారీ అంచనాలు ఉన్న విషయం తెలిసిందే. పుష్ప సినిమాకు సీక్వెల్‌గా తెరకెక్కుతోన్న ఈ సినిమాను అత్యంత ప్రతిష్టాత్మకంగా ఈ చిత్రాన్ని తెరకెక్కిస్తున్నారు. ఇప్పటికే దాదాపు మొత్తం షూటింగ్ పూర్తి చేసుకున్న ఈ చిత్రాన్ని డిసెంబర్‌ 5వ తేదీన విడుదల చేసేందుకు చిత్ర యూనిట్‌ సన్నాహాలు చేస్తోంది.

దీంతో సినిమా ప్రమోషన్స్‌ను ఇప్పటికే అధికారికంగా మొదలు పెట్టిన చిత్ర యూనిట్ ఒక్కో అప్‌డేట్ ఇస్తోంది. ఈ క్రమంలోనే తాజాగా దీపావళి పండుగను పురస్కరించుకొని చిత్ర యూనిట్ కొత్త పోస్టర్‌ను విడుదల చేసింది. అల్లుఅర్జున్‌, రష్మికలమ రొమాంటిక్‌ పోస్టర్‌ను చిత్ర యూనిట్ విడుదల చేసింది. వంటింట్లో శ్రీవల్లితో పుష్ప రొమాన్స్‌ చేస్తున్న క్యూట్ ఫొటోను చిత్ర యూనిట్ విడుదల చేశారు. ఈ పోస్టర్‌ సినిమాపై అంచనాలను మరింత పెంచింది.

ఇక పుష్ప-2 ది రూల్‌ చిత్రాన్ని ఏకంగా ఆరు భాషల్లో కలిపి 11,500 స్క్రీన్స్‌లో విడుదల చేసేందకు చిత్ర యూనిట్‌ సన్నాహాలు చేస్తోంది. ఓవర్‌సీస్‌లో 5వేల స్క్రీన్స్‌, భారత్‌లో 6500 స్క్రీన్స్‌లో ఈ సినిమాను విడుదల చేయనున్నారు. ఇలా పుష్ప2 విడుదలకు ముందే సరికొత్త రికార్డులను తిరగరాస్తోంది. భారతీయ సినీ చరిత్రలో బిగ్గెస్ట్‌ రిలీజ్‌ ఇండియన్‌ సినిమాగా పుష్ప2 నిలవనుందని ఇండస్ట్రీ వర్గాలు అంచనా వేస్తున్నాయి.

Happy Diwali!! #Pushpa2TheRule pic.twitter.com/V5Xcp4RF7y

— Allu Arjun (@alluarjun) October 31, 2024

ఎర్రచందనం సిండికేట్‌కు అధిపతి అయిన తర్వాత పుష్ప రాజ్‌ జీవితం ఎలాంటి మలుపు తిరిగింది. ఆ క్రమంలో ఆయన ఎలాంటి కష్టాలు ఎదుర్కొన్నాడు. లాంటి ఎన్నో ఆసక్తికరమైన విషయాలను సుకుమార్‌ ఈ పార్ట్‌లో చూపించనున్నారు. ఇక ప్రస్తుతం దాదాపు షూటింగ్ పూర్తి చేసుకున్న ఈ సినిమాలో ఒక స్పెషల్‌ సాంగ్ చిత్రీకరణ జరగాల్సి ఉంది. శ్రద్ధాకపూర్‌ కనిపించనున్న ఈ స్పెషల్‌ సాంగ్ షూటింగ్‌ నవంబర్‌ 4వ తేదీ నుంచి జరగనుందని సమాచారం. ఇది పూర్తి కాగానే పూర్తి స్థాయిలో ప్రమోషన్స్‌ను మొదలు పెట్టేందుకు చిత్ర యూనిట్‌ సన్నాహాలు చేస్తోంది.

మరిన్ని సినిమా వార్తల కోసం క్లిక్ చేయండి..