‘ముకాబ్లా’ రీమిక్స్.. అదే గ్రేస్.. మైండ్ బ్లోయింగ్ స్టెప్పులు
శంకర్ దర్శకత్వంలో వచ్చిన ‘ప్రేమికుడు’ సినిమాను ఎవ్వరూ అంత ఈజీగా మర్చిపోరు. ప్రభుదేవా, నగ్మ నటించిన ఈ చిత్రం అప్పట్లో ప్రశంసలు అందుకొని.. బాక్సాఫీస్ వద్ద మంచి కలెక్షన్లను సాధించింది. ఇక అందులోని పాటలు ఇప్పటికీ ఏదో ఒక మోగుతూనే ఉంటాయి. ముఖ్యంగా ‘అందమైన ప్రేమరాణి చెయ్యి తగిలితే’, ‘ముక్కాల ముక్కాబులా’, ‘ఊర్వశి ఊర్వశి’ పాటలు విరివిగా వింటూనే ఉంటాం. ఇక ‘ముక్కాల ముకాబ్లా’, ‘ఊర్వశి ఊర్వశి’ పాటలైతే బాలీవుడ్లోకి కూడా వెళ్లాయి. అంతేకాదు ‘ఊర్వశి’ పాటను […]
Updated on: Dec 21, 2019 | 6:31 PM
శంకర్ దర్శకత్వంలో వచ్చిన ‘ప్రేమికుడు’ సినిమాను ఎవ్వరూ అంత ఈజీగా మర్చిపోరు. ప్రభుదేవా, నగ్మ నటించిన ఈ చిత్రం అప్పట్లో ప్రశంసలు అందుకొని.. బాక్సాఫీస్ వద్ద మంచి కలెక్షన్లను సాధించింది. ఇక అందులోని పాటలు ఇప్పటికీ ఏదో ఒక మోగుతూనే ఉంటాయి. ముఖ్యంగా ‘అందమైన ప్రేమరాణి చెయ్యి తగిలితే’, ‘ముక్కాల ముక్కాబులా’, ‘ఊర్వశి ఊర్వశి’ పాటలు విరివిగా వింటూనే ఉంటాం. ఇక ‘ముక్కాల ముకాబ్లా’, ‘ఊర్వశి ఊర్వశి’ పాటలైతే బాలీవుడ్లోకి కూడా వెళ్లాయి. అంతేకాదు ‘ఊర్వశి’ పాటను ఆ మధ్యన రీమిక్స్ చేశారు. షాహిద్ కపూర్, కియారా అద్వాణీ ఆ పాటలో మెరిశారు. ఇక తాజాగా ‘ముక్కాలా ముకాబ్లా’ పాటను రీమిక్స్ చేశారు. ప్రభుదేవా, వరుణ్ ధావన్, శ్రద్ధా కపూర్లతో రెమో డిసౌజా ‘స్ట్రీట్ డ్యాన్సర్ 3D’ అనే చిత్రాన్ని తెరకెక్కించిన విషయం తెలిసిందే. ఈ మూవీలో ‘ముక్కాలా’ పాటను రీమేక్స్ చేశారు. ట్రైలర్లోనే ఈ విషయం అర్థమైనప్పటికీ.. తాజాగా ఆ పాట వీడియోను విడుదల చేశారు.
అందులో అదే గ్రేస్.. అంతకుమించిన స్టెప్పులతో అదరగొట్టేశాడు ప్రభుదేవా. దీంతో వయస్సు ఆయనకు మాత్రమే.. ఆయన డ్యాన్స్, గ్రేస్కు కాదంటూ అభిమానులు కామెంట్లు పెడుతున్నారు. ఇక వరుణ్ ధావన్, శ్రద్ధా కపూర్ కూడా తమ డ్యాన్స్తో సూపర్ అనిపించారు. గణతంత్ర్యదినోత్సవం సందర్భంగా జనవరి 24న ఈ చిత్రం ప్రేక్షకుల ముందుకు రానుంది. రెమో డెసౌజా దర్శకత్వంలో ఇదివరకు వచ్చిన డ్యాన్స్ చిత్రాలైన ‘ఏబీసీడీ’, ‘ఏబీసీడీ 2’ మంచి విజయం సాధించడంతో స్ట్రీట్ డ్యాన్సర్ 3Dపై బాలీవుడ్లో భారీ అంచనాలు ఉన్నాయి.
