త్రివిక్రమ్‌తో మూడోసారి మహేష్‌.. కన్ఫర్మ్ చేసిన సూపర్‌స్టార్‌‌

Mahesh Babu Trivikram: సూపర్‌స్టార్‌ మహేష్ బాబు- మాటల మాంత్రికుడు మహేష్ బాబు. ఈ కాంబినేషన్‌లో ఇప్పటివరకు రెండు చిత్రాలు వచ్చాయి. అందులో అతడు హిట్‌ అవ్వగా.. ఖలేజా ఫ్లాప్‌గా నిలిచింది. కానీ ఆ తరువాత బుల్లితెరపై ఖలేజా పెద్ద విజయాన్ని సాధించింది. ఇక ఈ మూవీ థియేటర్లలో ఎందుకు ఫ్లాప్ అయ్యిందన్న ఇప్పటికీ చాలా మందికి అర్థం కాని విషయం. ఈ మాటను ఇప్పటికీ చాలా మంది సినీ ప్రేక్షకులు కూడా అంటుంటారు. ఖలేజా ఒక గొప్ప మూవీ అని, అప్పుడు ఆ సినిమాను చాలా మంది అర్థం చేసుకోలేకపోయారని కొంతమంది చెబుతుంటారు. ఇదిలా ఉంటే ఈ మూవీ వచ్చి పది సంవత్సరాలు పూర్తి అయ్యింది. ఈ విషయాన్ని సోషల్ మీడియాలో వెల్లడించిన మహేష్‌ బాబు.. ఫ్యాన్స్‌కి మరో గుడ్‌న్యూస్‌ కూడా చెప్పారు. త్రివిక్రమ్ దర్శకత్వంలో మరో మూవీలో నటించబోతున్నట్లు కన్ఫర్మ్ చేశారు.

”ఖలేజా వచ్చి 10 సంవత్సరాలు అయ్యింది. నటుడిగా నన్ను నాకు కొత్తగా పరిచయం చేసిన సినిమా. ఇప్పటికీ ఇది ఓ స్పెషల్‌. నా మంచి స్నేహితుడు త్రివిక్రమ్‌కి థ్యాంక్స్‌. మా తదుపరి సినిమా కోసం ఎదురుచూస్తున్నా. త్వరలోనే ఉంటుంది” అని ట్వీట్ చేశారు. కాగా ఖలేజా మూవీ తరువాత త్రివిక్రమ్‌తో మహేష్‌కి విబేధాలు వచ్చినట్లు ఎన్నో వార్తలు వచ్చాయి. కానీ వాటన్నింటికి చెక్ పెడుతూ తమ కాంబోలో హ్యాట్రిక్‌ సినిమా రాబోతున్నట్లు కన్ఫర్మ్ చేశారు మహేష్.

Read More:

ఖమ్మం ‘మైనర్’ కేసును సుమోటాగా స్వీకరించిన హెచ్‌ఆర్సీ

ల్యాండ్ సెటిల్‌మెంట్‌.. వ్యాపారిపై టీడీపీ మాజీ ఎమ్మెల్యే కుమారుడి గ్యాంగ్‌ వీరంగం

Khaleja turns 10!! Reinvented myself as an actor!! Will remain a special one!! All thanks to my good friend and the brilliant Trivikram… Looking forward to our next… very soon ??? pic.twitter.com/X1aPwTGpEF

— Mahesh Babu (@urstrulyMahesh) October 7, 2020