Jailer 2: కలెక్షన్స్‌లో జైలర్ 2 దిమ్మతిరిగే రికార్డ్.. దెబ్బకు ‘ఛావా’ అవుట్!

సూపర్‌స్టార్ రజనీకాంత్ కథానాయకుడిగా నటించిన ‘జైలర్ 2’ చిత్రం బాక్సాఫీస్ వద్ద సరికొత్త చరిత్ర సృష్టించింది. దర్శకుడు నెల్సన్ దిలీప్‌కుమార్ తెరకెక్కించిన ఈ యాక్షన్ కామెడీ సీక్వెల్, అక్టోబర్ 15న విడుదలై థియేటర్లలో వసూళ్ల జోరును అడ్డులేకుండా కొనసాగిస్తోంది. విడుదలైన కేవలం 18 రోజుల్లోనే ప్రపంచవ్యాప్తంగా రూ. 800 కోట్ల వసూళ్ల మైలురాయిని దాటిన తొలి తమిళ చిత్రంగా ఈ సినిమా తిరుగులేని రికార్డును తన పేరిట లిఖించుకుంది. ప్రముఖ ట్రేడ్ ట్రాకింగ్ సంస్థ నివేదికల ప్రకారం.. 18వ రోజు నాటికి ‘జైలర్ 2’ ప్రపంచవ్యాప్తంగా దాదాపు రూ. 807 నుంచి 808 కోట్ల గ్రాస్ కలెక్షన్లను సాధించింది. భారతీయ బాక్సాఫీస్ వద్ద దేశీయంగా రూ. 456 కోట్ల నెట్, సుమారు రూ. 534 కోట్ల గ్రాస్ రాబట్టగా, ఓవర్సీస్ మార్కెట్‌లో రూ. 273 నుంచి 274 కోట్ల వరకు వసూలు చేసింది. విశేషమేమిటంటే, 18వ రోజైన ఆదివారం ఒక్కరోజే భారత్‌లో ఈ సినిమా రూ. 11.2 కోట్ల నెట్ కలెక్షన్లు సాధించి తన హవా చాటుకుంది. ఈ అసాధారణ వసూళ్లతో ‘జైలర్ 2’ కోలీవుడ్‌లో మునుపటి ఆల్-టైమ్ రికార్డులన్నింటినీ తుడిచిపెట్టేసింది. గతంలో రజనీకాంత్ కెరీర్‌లోనే అత్యధిక వసూళ్లు సాధించిన ‘2.0’ లైఫ్‌టైమ్ రికార్డును సైతం ఇది దాటేసింది. అలాగే ‘పీకే’, ‘ఛావా’ వంటి భారీ హిట్ల మొత్తం వసూళ్లను అధిగమించి, 2026లో అత్యధిక గ్రాస్ సాధించిన భారతీయ చిత్రాల జాబితాలో అగ్రస్థానంలో నిలిచింది. అయితే ఈ వారం చివర్లో ‘రామాయణ’ వంటి మరో భారీ చిత్రం విడుదల కానుండటంతో, వచ్చే రోజుల్లో ‘జైలర్ 2’ వసూళ్ల వేగానికి కాస్త అడ్డుకట్ట పడే అవకాశం ఉందని విశ్లేషకులు భావిస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

Jailer 2 OTT: థియేటర్లలో ఉండగానే.. OTTలోకి రజనీకాంత్ ‘జైలర్ 2’..

Subhashini: KCR వల్లే క్యాన్సర్‌ నుంచి బయటపడ్డా.. ఇండస్ట్రీలో అందరూ మారారు అంటూ.. సుభాషిణి ఎమోషనల్

రైతు బిడ్డకు గిట్టుబాటు అయింది! 8 వారాలకు లక్షల్లో రెమ్యునరేషన్

గిల్, పీవీ సింధు నుదిటి పై వింత పరికరం.. అథ్లెట్ల కోసం అదిరిపోయే టెక్నాలజీ!

48 ఏళ్లుగా నీళ్లే తాగలేదట.. మరి ఏం తాగారో తెలుసా!