మహేష్ 26: ‘సరిలేరు నీకెవ్వరు’.. టైటిల్, పోస్టర్ విడుదల

‘మహర్షి’ చిత్రంతో సిల్వర్ జూబ్లీని పూర్తి చేసుకున్న సూపర్‌స్టార్ మహేష్ బాబు తదుపరి చిత్రంపై అధికారిక ప్రకటన వచ్చేసింది. వరుసగా నాలుగు హిట్లను సొంతం చేసుకున్న అనిల్ రావిపూడి దర్శకత్వంలో మహేశ్ 26వ చిత్రంలో నటించనున్నాడు. ఇవాళ కృష్ణ పుట్టినరోజును పురస్కరించుకొని ఈ మూవీ టైటిల్‌ను, పోస్టర్‌ను విడుదల చేసింది చిత్ర యూనిట్. సరిలేరు నీకెవ్వరు అనే టైటిల్‌తో ఈ చిత్రం రాబోతుంది.  దీనికి సంబంధించిన పూజా కార్యక్రమాలు తాజాగా పూర్తయ్యాయి. ఇక ఇందులో మహేష్ బాబు పోలీస్‌గా కనిపించనుండగా.. ఆయన సరసన రష్మిక మందన్న నటిస్తోంది. రాక్‌స్టార్ దేవీ శ్రీ ప్రసాద్ సంగీతం అందించనున్నాడు. మహేష్ బాబు, అనిల్ సుంకర, దిల్ రాజు సంయుక్తంగా నిర్మిస్తోన్న ఈ చిత్రం వచ్చే ఏడాది సంక్రాంతి కానుకగా ప్రేక్షకుల ముందుకు రానుంది.